Одличната продажба на компактни спортски теренци го привлече и корејскиот SsangYong да понуди модел во класата. Двете студии од Париз го најавуваат идниот сериски модел.
Корејскиот специјалист за теренци SsangYong е присутен на салонот во Париз со две концептни возила. XIV Targa има отстранлив покрив тарга и внесува нота на кабриолет во чувството во кабината, додека XIV Adventure настапува со конвенционална каросерија, но со носачи на покривот што се приспособуваат за повеќе потреби. Серискиот модел со дизајн мошне близок до студијата ќе се појави в година, како конкурент на Renault Captur и Opel Mokka. Погонската техника и опремата ги следат вообичаените стандарди во класата. Помалиот брат на Korando ќе се нуди со бензински и дизел мотори со зафатнина од 1,6 литар, со мануелен или автоматски менувач и погон на сите тркала или само на предната оска. Повеќе за моделите на SsangYong и за другите новитети од оваа класа во Париз можете да прочитате тука.
