На овој 67-годишен возач на Range Rover му здодеало од брзинските контроли и вградил уред за блокирање ласерски зраци во своето возило. Анти-ласерот му функционирал беспрекорно на Британецот со име Тимоти Хол. Тоа е воедно и причината зошто полицијата го забранува користењето на овие уреди.
Хил се чувствувал толку комотно со ласерската заштита во своето возило, што решил да го демонстрира тоа пред камерите, покажувајќи го средниот прст. Точно е дека полицијата во Северен Јоркшир повеќе не можела да ја контролира брзината на возење на Британецот, но затоа можела сосема јасно да ја види пораката кон камерите.
При секое минување покрај мобилната сообраќајна контрола, 67-годишниот возач и’ покажувал прст на камерата
Хил продолжил со овој начин на комуникација, така што службениците трипати го регистрирале протестниот гест на возачот во минатиот декември, додека вршеле мобилна сообраќајна контрола. Секогаш бил вклучен и анти-ласерот. Кога полицијата подоцна му заѕвонила на врата на возачот на Range Rover, тој негирал дека поседува анти-ласер, по што го фрлил уредот низ прозорец.
Уништувањето на доказниот материјал сепак не му било од полза на Хил. Останале снимките со непристојната гестикулација. Полицијата во Северен Јоркшир соопшти дека Британецот ќе одлежи осуммесечна затворска казна, поради непочитување на правниот систем. Тоа што и возачката дозвола е одземена за период од една година, воопшто не е проблем.
Кој смее да има нешто против полициски Rolls-Royce?
Берлинската полиција отстрани „Трансформери“ од улиците