Градовите низ светот испробуваат нов трик што треба да им го привлече вниманието на возачите и да ги натера за подзапрат пред пешачки премин. Со неколку бои плус и со примена на геометриски правила, зебрата добива трета димензија. Наши инженери сепак имаат подобро решение.
Запирањето пред пешачки премин и натаму е несовладана вештина за широк круг возачи. Во сообраќајната хиерархија, автомобилот е на највисокото скалило и неговиот возач нема потреба да запира пред било што на патот. Таков впечаток се добива кога пешак има намера да мине преку улица и мора да исчека прво сите автомобили да одминат. Тогаш почнува вистинската драма. Откако ќе згазне на улица, човек мора буквално да истрча до другиот крај, за случајно да не им го попречи патот на возачите.
Speed bump alert! 3D zebra crossing tricks drivers, slowing them down to give way to pedestrians in southwest China https://t.co/v3FJQYe2TU pic.twitter.com/naG11EEGbS
— China Xinhua News (@XHNews) July 12, 2017
За улиците да не прераснуваат во гладијаторска арена, повеќе градови низ светот во последнава половина година почнаа да применуваат едноставен, но делотворен трик. Станува збор за тридимензионален пешачки премин, за зебра што создава впечаток како да лебди над улицата. Бидејќи оддалеку изгледа како пречка на патот, возачите подзапираат, пешаците можат спокојно да преминат улица.
New Delhi Municipal Council along with Delhi Street Art develops another 3D zebra crossing in front of Vigyan Bhavan in January @NBTDilli pic.twitter.com/0cYUEl20xR
— Rahul Manav (@Rahul_Manav11) January 17, 2017
Но, не постои гаранција дека зебрата со тридимензионален ефект ќе го привлече вниманието на возачите и со тоа ќе придонесе за подобрување на безбедноста. Проблем е тоа што визуелниот ефект се постигнува само во една насока на улицата. Втор проблем е тоа што ефектот се губи навечер и при секој дожд.
https://twitter.com/franfriel/status/923616277297471494
Кој пробал, знае. По тој принцип се водат градските управи и го применуваат трикот. Тридимензионалната варијанта на прешачки премин се црта брзо и едноставно – доколку се познаваат неколку геометриски правила – не е скапа и може во секое време да се пребои.
Two Women Designed a Cool 3D Illusion Crosswalk in India https://t.co/hvhelJE1Mx #cities #traffic #trafficsafety pic.twitter.com/Q6ZniBkwVA
— KLJ Engineering (@KLJeng) April 28, 2016
Многу поделотворно и посериозно решение пристигна од група македонски инженери пред неколку месеци. Системот е наречен Smartbump, односно станува збор за интелигентен лежечки полицаец. Можно е овие интелигентни регулатори на брзината на движење наскоро да ги видиме во поголем број по нашите улици.
