Швеѓаните го најавуваат автопилотот Ride Pilot како клучна иновација во новиот Volvo XC90, што ќе стартува кон крајот на годинава и ќе се нуди исклучиво во електрична изведба.
Клиентите во Калифорнија ќе бидат први што својот нов Volvo XC90 ќе можат да го пуштат да вози самостојно, без потреба од возач. Технологијата за автономно возење на Volvo се води под името Ride Pilot и во почетокот ќе биде достапна само во „Златната држава“.
Шведскиот специјалист за безбедни автомобили наведува само општо, дека тоа ќе биде водечка технологија во браншата и ќе се понуди во новата генерација модели на Volvo со погон само на струја. Ride Pilot ќе им овозможи на патниците побезбедно и покомотно возење. Возачите ќе добијат екстра-слободно време што ќе можат да го искористат додека нивниот автомобил ги вози.
По завршувањето на тестирањата, кога Volvo ќе се увери во беспрекорната безбедност на системот, Ride Pilot ќе биде понуден како услуга со претплата во новата генерација на XC90 – што ќе се нуди исклучиво во електрична изведба и ќе биде претставен кон крајот на годинава.
Crash test dummies at #CES2022 prefer the Proactive Safety, collision-avoidance capability of $LAZR lidar vs. today's ADAS. Stop by our CES test track (Outdoor Lot WP-7, West Hall) and see for yourself! pic.twitter.com/qFuBKHCKMy
— Luminar (@luminartech) January 6, 2022
Софтверот за автономното возење е развиен во соработка со специјалистите Zenseact и Luminar. Сензорската средина се состои од повеќе од две дузини сензори, во коишто е главен сензорот Iris LiDAR на Luminar.
Хардверот и софтверот ќе бидат фабрички вградени во секој Volvo XC90, а за нивно користење ќе се плаќа претплата
Моментно се вршат обемни завршни тестирања на во Шведска, заедно со Zenseact, а воедно се собираат и податоци ширум Европа и САД. Во лето ќе започнат тестирањата по патиштата во Калифорнија. Причината зошто Volvo и партнерите избраа богатата држава на западниот брег на САД да почне прва со примена на автопилотот е поволната клима, одличната сообраќајна мрежа, и најважното, законската рамка што дозволува автопилотирано возење. Секако дека Ride Pilot понатаму ќе станува достапен глобално.
10,000 simulations per second, and one step closer to protecting lives with autonomous driving. Watch how @zenseact is at the edge of transportation, progressing autonomous driving for better traffic, safer journeys, and sustainability: https://t.co/1Ujgzk0r6D pic.twitter.com/ikxUMLqRS2
— HPE (@HPE) September 22, 2021
Одговорноста во случај да настане незгода ја сноси производителот. Сензорскиот систем се состои од пет радари, осум камери и шеснаесет ултразвучни сензори, вклучувајќи го лидарот, кој е клучна технологија за остварување на автономното возење.
