Volvo XC60 е најпродаван модел на Швеѓаните во август

Моделот од средината на СУВ-понудата на Volvo бил најпопуларен избор за купувачите на шведската марка во август. Со близу 15.000 продадени примероци, Volvo XC60 е пред компактниот XC40 и пред луксузниот XC90. Првите три места им припаѓаат на СУВ-моделите.

XC60 и во минатиот месец е на првото место во продажбата на моделите на Volvo. Со 14.972 примероци (2020:15.938), конкурентот на Mercedes GLC и Audi Q5 води пред XC40 со вкупно продадени 11.716 примероци (2020: 13.828) и Volvo XC90 со продадени 8.023 примероци (2020: 6.966).

Во минатиот месец се продадени вкупно 45.786 возила Volvo на светскиот пазар. Тоа е за 10,6 проценти помалку во споредба со истиот месец лани. Побарувачката за нови автомобили на пазарот сепак останува на високо ниво, а расте и интересот за шведските модели.

Во средината на јули, поради пандемијата беа затворени неколку фабрики на добавувачите на автоиндустријата во југоисточна Азија, особено во Малезија, што доведе до нови проблеми за автоиндустријата. Овие затворања секако дека влијаеја и врз работата на Volvo, чијшто фабрики во Шведска, Белгија, Кина и САД, исто така мораа привремено да мируваат. Како резултат од тоа е намален и бројот на произведени возила.

Едно од секои четири продадени возила Volvo има приклучок за струја, во Европа секое второ

Во првите осум месеци од годината, Швеѓаните продадоа вкупно 483.426 автомобили на светскиот пазар. Тоа е за 26,1 проценти повеќе во споредба со периодот од јануари до август лани. Моделите од семејството Recharge, значи делумно или целосно електрични модели, учествуваат со 24,2 проценти во вкупната продажба на марката. Во Европа, дури 47 проценти од возилата што се продадени во август имале приклучок за полнење.

Детален преглед на продажбата на Volvo по региони: 

Продажба по модели

>>> Volvo постигна најдобро полугодие во 94-годишната историја