за

Автомобил во облаци за посетителите на автосалонот во Минхен

Уметниците веќе се јавија за новиот концепт на салон на автомобили ИАА Мобилити што започнува наскоро во Минхен.

Компанијата Capgemini, специјалист за дигитална трансформација, на покривот на својата зграда во Минхен го постави познатиот Cloud Car на акцискиот уметник ХА Шулт. Седиштето на компанијата се наоѓа веднаш спроти халите на ИАА Мобилити и облак-автомобилот таму ќе биде видлив за посетителите на салонот.

Консултантската компанија Capgemini повторно го активира Cloud Car на акцискиот уметник ХА Шулт, што своевремено предизвика големо внимание на сцената. Автомобилот е вешто поставен на покривот на седиштето на компанијата во Минхен. Идејата е на посетителите на ИАА Мобилити и на жителите на Минхен да им се понуди нешто посебно и градот да се збогати со уметничко дело за време на одржувањето на автосалонот.

На каросеријата на Cloud Car се нацртани облаци. Оваа „скулптура“ на автомобил во 1989 година висеше од хеликоптер над прочуенета Катедрала во Келн, којашто со своите 157,18 метри претставувала највисок објект во светот до 1884 година. Уметникот ХА Шулт тогаш го искористи Cloud Car во својата уметничка акција, внесувајќи доза на хумор преку „возвишувањето“ на автомобилот.

New photo by Automedia MK / Google Photos

Во меѓувреме се смени драстично смислата на Cloud Car. Новиот автомобил од облаците се однесува на сосем различни теми. Кабелот што виси од возилото е симбол за електромобилноста, којашто е клучна пресвртница во автомобилската индустрија. Од друга страна, облаците на каросеријата на Cloud Car 2021 ја симболизираат Cloud-технологијата, којашто ги овозможува вмрежените услуги во автомобилите и автономното возење.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Volvo XC60 е најпродаван модел на Швеѓаните во август

Новата Opel Astra внесува „класа“ меѓу компактите