Американскиот институт за безбедност на патиштата му даде највисока оцена Top Safety Pick Plus (TSP+) на електричниот Volvo XC40 Recharge. Тоа значи дека целата понуда од модели на Volvo ги исполнува врвните стандарди за безбедност на IIHS.
Volvo XC40 Recharge е прв целосно електричен СУВ модел од компактната класа што ја освојува оваа награда. Тоа е уште еден модел плус за шведската марка, што во минатиот месец постави рекорд за најголем број освоени награди TSP+ во една година. Американскиот институт за безбедност на патиштата ги доделува наградите TSP+ од 2013 година.
IHS ја доделува оваа награда за возилата што исполнуваат врвни стандарди за безбедност. Volvo Cars освои девет награди TSP+ во февруари, пет во март и сега една во април, односно вкупно 15 награди годинава.
Volvo полага многу на вградувањето на системите за безбедност како стандард, меѓу другото на систем за предупредување при опасност од судир и самостојно запирање, вклучувајќи и спречување удар во пешак или велосипедист.
Електричниот Volvo XC40 Recharge им се придружува на моделите што имаат добиено оцена TSP+, со почеток на продажба по септември лани.
- Volvo S90
- Volvo S90 Recharge
- Volvo V90
- Volvo V90 Cross Country
- Volvo V60 Cross Country
- Volvo S60
- Volvo S60 Recharge
- Volvo V60
- Volvo V60 Recharge
- Volvo XC40
- Volvo XC60
- Volvo XC60 Recharge
- Volvo XC90
- Volvo XC90 Recharge
Volvo во првиот квартал ја зголеми продажбата за 40 проценти