за

Volkswagen Tiguan со приклучен хибрид и 50 km досег

Најпродаваниот модел на Volkswagen ќе вози во изведба со приклучен хибриден погон, како Tiguan eHybrid.

Volkswagen Tiguan eHybrid

Volkswagen започнува со нарачки за првиот Tiguan со приклучен хибриден погон. Со полна батерија, СУВ-бестселерот на концернот ќе минува до 50 километри, пред да се вклучи бензинецот.

Електричната офанзива на Volkswagen е во полн ек. Нов модел што се приклучува на електро-движењето е бестселерот Tiguan. Со батерија што дозволува досег до 50 километри, возачите на eTiguan ќе можат без проблем да ја минат вообичаената дневна тура, без воопшто да има потреба да проработи бензинецот. Цената во Германија почнува од 42,413 евра, на што следи државна субвенција во висина од 4.000 евра.

Покрај хибриден режим, може да се избере и GTE-Mode, кога електромоторот и 1,4-литарски TSI работат со цел да внесат дополнителна динамика во возењето. Системската моќност изнесува 245 КС, додека системскиот вртежен момент достигнува 400 њутнметри. Tiguan eHybrid при секое стартување автоматски вози во режим E-Mode, доколку батеријата е доволно полна и температурата е над -10° C.

New item by Automedia MK / Google Photos

Батеријата се наоѓа во подот пред задната оска и може да се полни на обичен домашен приклучок со максимално 2,3 kW, односно на ѕиден полнач со моќност до 3,6 kW.

На располагање стојат три нивоа на опрема, Life, Elegance, но и спортското R/Line. Во стандардната опрема спаѓаат дигитални инстурменти, тризонска климатизација со нов панел за ракување, мултифинкциски волан, приспособлив темпомат, самостојно запирање при опасност од судир, паркинг сензори напред и назад, алу-тркала од 17 инчи и кровни носачи за багаж. Во сериската опрема спаѓаат и систем за следење лента, сензор за дожд и диодни светла.

New item by Automedia MK / Google Photos
New item by Automedia MK / Google Photos

>>> Volkswagen го нуди Golf во пет изведби со електромотор во погонот

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

BMW го подготвува 3D-печатењето за индустриско производство

BMW го подготвува 3D-печатењето за индустриско производство

Kia Rio со најдобра противвредност од втора рака според Vincentric

Kia Rio со најдобра противвредност од втора рака според Vincentric