за

Volkswagen нарача 2.200 роботи за производство на новите модели

Volkswagen забрзано подготвува неколку избрани фабрики за производство на електрични возила. Марката сега нарача 2.200 специјализирани роботи.

volkswagen фабрика хановер

Volkswagen ја забрзува адаптацијата на повеќе фабрики за производство на електрични автомобили и инвестира во неопходната автоматизација. Најголемиот производител на автомобили во светот нарача 2.200 специјализирани роботи, што ќе се користат во фабриките во Емден, Хановер и во Чатануга, во САД. Тие ќе бидат задолжени за монтажа на батериите и за изработка на каросериите.

Германскиот производител ги пренаменува своите фабрики во целост или во поголем дел, за производство на хибридни или чисто електрични модели. Во Цвикау, каде што се произведуваат ID.3 и ID.4, адаптацијата е завршена. Во Антинг во Кина исто така ќе започне производство на електрични автомобили во текот на годинава. Наскоро ќе следи и Дрезден, а од 2022 година ќе се приклучат уште Емден, Хановер и Чатануга, во американската сојузна држава Тенеси. Додека Емден и Чатануга се подготвуваат за ID.4, во фабриките на Volkswagen во Хановер ќе се проиведува електричниот минибус ID.Buzz.

Со стартот нa ID.Buzz во Хановер ќе ја завршиме модернизацијата на нашата фабрика, од којашто ќе профитираат и останатите модели“, изјави Јозеф Баумерт, директор за производство и логистика во огранокот за доставни возила на Volkswagen. Во фабриката моментно се произведува Volkswagen Transporter со обичен погон.

Целиот концерн вложува 48 милијарди евра до 2024 година во развојот и производството на електрични автомобили во светски рамки. Многу се вложува и во интерните добавувачи, меѓу другото и во сопствена фабрика за батериски ќелии во Залцгитер. Во дигитална и софтверска технологија се вложуваат уште 14 милијарди евра, вклучувајќи и автопилотирано возење.

>>> Volkswagen го претвори Amarok во GTI-машина

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Renault Megane eVision

Следниот Renault Megane ќе вози на струја

BMW вчитува нов софтвер „по воздушна линија“ во 750.000 возила

BMW вчитува нов софтвер „по воздушна линија“ во 750.000 возила