Почнувајќи од следната недела, марката Volkswagen повторно ќе произведува во домашната фабрика во Цвикау и во Братислава, Словачка. Една недела подоцна следи старт на останатите германски фабрики, заедно со погоните во Португалија, Шпанија, Русија, Јужна Африка, Северна и Јужна Америка.
Volkswagen постепено во враќа производството во своите фабрики. Во следната недела, почнувајќи од 20-ти април, прво отвораат фабриките во Цвикау и во Братислава (Словачка). Во неделата од 27-ми април, продолжуваат останатите германски фабрики, како и фабриките во Португалија, Шпанија, Русија и САД. Во мај е предвидено постепено вклучување во погон на Јужна Африка, Аргентина, Бразил и Мексико.
Планирањето за повторниот старт се одвиваше три недели наназад. Освен воведување заштитни мерки за вработените, предизвик беше да се „состави“ и синџирот од добавувачи. Во фабриките во Германија и натаму ќе важи скусено работно време, со план постепено да се преоѓа на полно работно време.
Заштитата на вработените опфаќа 100 стандардни позиции на коишто се воведени посебни мерки
Бернд Остерло, претседател на работничкиот совет: „Досега не сме доживале ваква ситуација. Но, убеден сум дека мотивацијата кај колешките и колегите е огромна, за повторно да се работи.“
Како што објавивме претходно, во фабриките во Брауншвајг и во Касел се работи повторно од 6-ри април, а од 14-ти април им се придружија и Залцгитер, Хемниц и Хановер, заедно со полските фабрики. Овој чекор имаше за цел да се обезбеди испорака на компоненти за фабриките на Volkswagen во Кина.
За повторниот старт користеа и искуствата од фабриките во Кина, кадешто веќе одамна се преземени соодветни заштитни мерки. Во земјата веќе се активни 32 од вкупно 33 фабрики во локалниот производствен синџир на Volkswagen.
Порше Македонија ги презема возилата за сервис од дома
Порше Македонија со 1.000 бонус за онлајн-купување
