за

Во градот на Volkswagen работи бифтек-клуб „Оган и сол“

Бифтек подготвен на скара на дрво, специјално пиво на точење и џин од сопствено производство се главните атракции во клуб-ресторанот во Аутоштат, во градот на Volkswagen.

Недостиг од чипови, долги рокови на испорака и поскапувања се вообичаен репертоар на автомобилската бранша во овие времиња. Сцената на четири тркала сепак има да понуди и други вести. Аутоштат, автомобилскиот град подигнат во чест на концернот Volkswagen во Волфсбург, деновиве посебно се гордее на обновениот бифтек-клуб.

Концернот Volkswagen произведува издржливи, модерни, ценети и генерално солидни автомобили, но и сервира добра храна. Колбасите од сопствено производство, со долга традиција и достапност во редовна продажба во некои германски супермаркети, веќе се класика. Летово од Volkswagen е актуелен и обновениот бифтек клуб во Аутоштат. Главните атракции за гледање се подготовката на храна на скара на дрва, но и џиновскиот монолит сол што е поставен среде ресторанот. Верно на милионската посетеност на Автомобилскиот Град, ресторанот секако дека не е мал, со место за 170 гости, вклучувајќи го и отворениот простор.

На скарата на дрва што е изработена во јужноамерикански стил и наменски е проектирана за Биф Клуб, се гори домашна германска бука, што дава вистински шмек на јадењето. Посебноста е во тоа што месото, рибата, зеленчукот и зачинските билки поседуваат биоквалитет и главно се од домашно потекло. Некои десерти се готват директно над оганот.

Без разлика дали е месо или риба, зеленчук, па дури и десерти, речиси сé што им послужуваме на нашите гости, има видено оган

Маркус Грајнер, директор на рестораните во Аутоштат

Една од новините е тоа што гостите можат да го составуваат главното јадење по вкус и да бираат порција по мера. За заокружување на аромата на јадењата се грижи сомелие за сол, кој предлага соодветна и ексклузивна сол од најразлични делови од светот и ги зачинува јадењата, директно на маса.

New item by Automedia MK / Google Photos

За клубот е посебно развиено крафт-пиво „Roasted Oak“ од регионално потекло. Истото важи и за џинот, за којшто се користат ароматични растенија од југот на Италија.

Наздравје.

Советот на Volkswagen заседаваше поради кари-колбасите

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Toyota и Suzuki развиваат електрично комбе за достава на пратки

Електрични модели на Peugeot победија на еко-релито во Чешка