Toyota е меѓу победниците во кризата, во смисла на зачувувањето на продажната динамика, додека целиот свет е зафатен во криза предизвикана од пандемијата. Во услови кога целиот пазар бележи пад од 25 проценти, тој кај Toyota изнесува 15 проценти. Toa е јасен показател дека јапонската марка им ги одзема купувачите на конкурентите.
Европскиот огранок на Toyota до септември продаде 715.081 автомобили од марките Toyota и Lexus, зголемувајќи го својот удел на европскиот пазар, кој сега изнесува 6,1 проценти. Победник всушност е хибридниот погон, со вкупно 372.893 продадени возила со овој погон, односно со удел од 52% во вкупната продажба. Гледано само за Западна Европа, овој удел е 63 проценти.
Трендот во третиот квартал од годинава влева големи надежи, затоа што продажбата дури и порасна за 11,5 проценти во периодот од јули до септември. Секако, голема заслуга за тоа има новиот Yaris, кој веќе е во продажба и на македонскиот пазар.
Бестселерското трио Corolla, Yaris и RAV4, учествува со 57% во вкупната продажба од 664.157 возила од марката Toyota до септември. Кај луксузната марка Lexus, главни се СУВ-моделите RX, NX и UX, со удел од три четвртини во продажбата на марката. Во Западна Европа, уделот на хибриди во продажбата на Lexus изнесува неверојатни 99 проценти. За цела Европа, уделот е 64 проценти.
Во продолжение графиконите за продажбата на модели на Toyota и Lexus
>>> По најубавите есенски рути низ Македонија со Lexus UX
