за

Тјуниран Mercedes AMG GT со 940 КС и впрскување метанол

Тјунерската работилница Posaidon си постави голем предизвик да извлече неколку КС плус од Mercedes-AMG GT 63 S 4Matic+. Излегоа многу повеќе КС.

Mercedes AMG GT Posaidon 830

Mercedes-AMG GT 63S уште од фабрика излегува со импресивна моќност од 639 КС. По преработката кај германскиот специјалист Posaidon, брзата купе-лимузина доби 940 КС и вртежен момент од 1.278 њутнметри.

За постигнувањето на исклучителната моќност беа потребни хардверски и софтверски зафати во 4,0-литарскиот V8 со битурбо натполнење. По преработката во Posaidon, купето со четири врати врз база на AMG GT ја добива ознаката GT 63 RS 830+.

Турбополначот е заменет со уште поекстремна изведба со топчести лежишта. Преправени се и downpipes, а се користат и катализатори од мотоспортот, за моќноста да не се попречува. Има зафати и во самиот вшмукувачки тракт, во интеркулерите и во главата на моторот. Проширени се вшмукувачките и издувните канали и полирани се заради оптимирање на струењето. Од дополнителните резервоари назад се повлекува смеша од вода и метанол. Соодетно на тоа се направени преправки и во мапирањето на моторот.

Како резултат од тјунерската работа, GT 63 RS 830+ спринтува од место до темпо сто за 2,8 секунди, додека до следната стотка минуваат само 5,9 секунди. За крајната брзина се наведува ориентациски дека таа е над 350 километри на час.

Бројката 830 во ознаката се однесува на моќностса, во случај кога не се користи метанол за напојувањето на моторот со гориво. Во Германија не е дозволено да се продава верзијата со метанол.

New photo by Automedia MK / Google Photos
New photo by Automedia MK / Google Photos

>>> Mercedes-AMG GT со 4 врати има неколку новини

Mercedes-AMG GT со 4 врати има неколку новини

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Неколку детали пред скорешното пристигање на новата Toyota Yaris

Кои се најпродаваните модели на Toyota до септември?

volkswagen traton navistar lonestar

Volkswagen доби пристап на камионскиот пазар во САД