Toyota половина век произведува автомобили во Европа. Во соработка со производителот на автобуси Salvador Caetano, во 1971 година започна монтажата на возила на Toyota во мала фабрика во Португалија.
Производствената мрежа на Toyota во Европа денес опфаќа девет фабрики, во коишто директно се вработени 22.000 лица, кои годишно произведуваат по 800.000 возила. На тоа следат уште стотици илјади работни места во погоните на добавувачките компании, што ги снабдуваат фабриките на Toyota со компоненти за возила. Дополнително следат и десетици илјади вработени во продажбата и постпродажбата.
Во изминатите пет децении биле вложени повеќе од десет милијарди евра во европските фабрики. Отсекогаш било филозофија на Toyota да произведува автомобили таму каде што ги продава. Тоа начело почна посебно да се чувствува во Европа во 1990-те години. Прво беа отворени фабрики за возила и мотори во Велика Британија, потоа следеа фабрики во Франција, Турција, Чешка, Полска и Русија.
До денес Toyota има произведено повеќе од 13 милиони возила во Европа. Посебно се внимава на социјалната одговорност на компанијата како работодавец и на тесната соработка со локалните заедници
Сите модели на Toyota што постигнуваат највисока продажба во Европа, се произведуваат во Европа. Тоа важи и за Aygo и за Yaris, исто како и за Corolla и C-HR или RAV4. Најмлад член, со голем потенцијал за бестселер е новиот Yaris Cross, што од неодамна е во редовна продажба во Тојота Авто Центар.
https://photos.app.goo.gl/BDKnmYSyxnfBcqUu8
Секако дека се почитуваше и електрификацијата, како едно од најсилните обележја на марката. Во 2010 година, од фабриката во Бурнастон во Велика Британија излезе првиот Auris Hybrid. Денес, близу 60% од сите возила Toyota и Lexus што се продаваат во Европа, располагаат со хибриден погон. Повеќето од тие модели се изработени во Европа.
Марвин Кук, заменик на извршниот директор на Toyota Motor Europe: „50 години производство во Европа – многу се гордееме на ова достигнување. Повеќе од две третини од сите возила што ги продаваме во Европа, се произведуваат тука. На тој начин даваме голем придонес за директното вработување, а со локалното производство на возила со електрифициран погон воедно го смалуваме и нивното влијание врз животната средина и се грижиме да ги постигнеме целите за СО2 на нашиот возен парк во ЕУ.“
Производствената мрежа на Toyota во Европа
| Земја | Компанија | Почеток | Главни модели |
|---|---|---|---|
| Чешка | Toyota Motor Manufacturing Czech Republic, s.r.o. (TMMCZ) | Фев. 2005 | Aygo |
| Франција | Toyota Motor Manufacturing France S.A.S. (TMMF) | Јан. 2001 | Yaris |
| Полска | Toyota Motor Manufacturing Poland SP.zo.o. (TMMP) | Апр. 2002 | Мотори, пренос, делови од погон |
| Португалија | Toyota Caetano Portugal, S.A. (TCAP) | Авг. 1968 | Land Cruiser “70” series |
| Турција | Toyota Motor Manufacturing Turkey Inc. (TMMT) | Сеп. 1994 | Corolla (и HEV), C-HR (и HEV) |
| В. Британија | Toyota Motor Manufacturing (UK) Ltd. (TMUK) | Авг. 1992 | Corolla (и HEV), Suzuki (OEM) |
| Мотори | |||
| Русија | Limited Liability Company “TOYOTA MOTOR” in Saint-Petersburg (TMR-SP) | Дек. 2007 | Camry, RAV4 |
https://youtu.be/b5KN4zMntY8
>>> Yaris Cross: По малку од Yaris, малку од RAV4, многу од Toyota
