за

Yaris ѝ донесе на Toyota раст од 11% во второто полугодие од ’20

Toyota се покажа најотпорна на корона-кризата и го зголеми својот удел на европскиот пазар на рекордни 6,0 проценти.

Концернот Toyota лани продаде 993.113 автомобили во Европа. Тоа се 9% помалку отколку преклани, но се случува во услови кога автомобилскиот пазар на целиот континент е во пад од 20 ороценти. Toyota се проби на третото место на најпродавани автомобилски марки во Европа.

Европскиот огранок на Toyota пријави продажба од 993.113 возила од марките Toyota и Lexus, што е 9 проценти под резултатот од преклани, меѓутоа е повеќе од двапати поблаг пад од 20-те проценти што ги претрпе автомобилскиот пазар во Европа во целина, како резултат од пандемијата.

Тоа што Toyota губеше помалку од својот пазар за разлика од останатите марки, соодевтно ѝ донесе зголемување на уделот за 0,7 проценти на 6,0 проценти. Тоа е историски рекорд за Toyota во Европа. Клучната заслуга лежи во постојаниот пазарен интерес за хибридните модели, шпто ја искачи марката на третото место на стариот континент.

Корона-кризата речиси ѝ не ја допре продажбата на хибридите на Toyota, којашто имаше благ пад од 6%, со вкупно 529.054 возила. Хибридите лани учествуваа со 53% во вкупната европска продажба, односно со 65% само во Западна Европа.

По ублажувањето на мерките за заштита и постепеното нормализирање на живеењето, продажбата во периодот меѓу јули и декември дури забележа и раст од 11% во споредба со второто полугодие преклани. Повторно, за тоа е заслужна одличната продажба на Corolla & Co, како и на RAV4 и C-HR, но најмногу заслуга секако дека има лансирањето на новиот Yaris. Новата генерација на моделот се искачи на второто место на европскиот пазар во ноември, што исто така е историски рекорд.

Toyota и Lexus лани претставија девет нови модели, меѓу нив и RAV4 Plug-in Hybrid, PROACE EV, новиот водороден Mirai FCEV и Lexus UX EV.

Toyota имаше најголем процентуален раст во пазарниот удел во 2020 и најмал пад. Лани се продадоа 922.299 возила под марката Toyota, што доведе до зголемување на уделот за 0,6 процентуални бодови, на 5,7%. Вкупниот број на продадени возила сепак беше за 8% под преклани. Бестселери се Corolla, Yaris и RAV4, на кои отпаѓаат 58% од продажбата. Два од секои три примероци од овие модели биле испорачани во хибридна варијанта.

Lexus продаде 70.814 возила и постигна историски рекорден удел од 2,3%, односно за првпат постигна 3% на пазарот на приватни купувачи. Вкупната продажба се намали за 19%. Покрај најзначајната премиера, на електричниот UX 300e, меѓу главните новини лани беше освежениот LC 500 Convertible, исто како и фејслифтот на знаменосецот LS. СУВ- и кросовер моделите RX, NX, UX, GX and LX, учествувале со 57.833 примероци или со 81% од вкупната продажба на луксузната марка.

>>> Со Toyota Yaris Hybrid во Велес, градот на поетите и гемиџиите

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Avatar

Вашата адреса за е-пошта нема да биде објавена. Задолжителните полиња се означени со *

Петерхансел 14-ти пат на врвот шеста победа на Mini на Дакар

Петерхансел 14-ти пат на врвот, шеста победа за Mini на Дакар

Најдобриот двоец на Toyota Gazoo Racing втор на Рели Дакар

Најдобриот двоец на Toyota Gazoo Racing втор на Рели Дакар