151
20 shares, 151 points

Toyota ги објави финансиските резултати за првите девет месеци од деловната година. Тоа што не беше тешко да се претпостави: Глобалната продажба пораснала за два проценти, на 6,83 милиони возила, оперативната заработка се зголемила за близу една милијарда евра.

Автомобилската корпорација Toyota ги објави финансиските резултати за првите девет месеци од тековната деловна година (од 1-ви април 2019 до 31-ви март 2020). Продажбата на возила од април до декември 2019 се зголемила за 1,9 проценти, на 6,83 милиони возила. Во истиот период, прометот на концернот пораснал за 1,6 процент, на 188,68 милијарди евра, додека оперативната добивка се зголемила за 6,2 проценти и изнесува 17,01 милијарди евра.

Концернот за девет месеци продал 770.000 возила на европскиот пазар или за 6,2 проценти повеќе во споредба со истиот период лани. Соодветно пораснала и оперативната заработка на 906,6 милиони евра.

Северна Америка традиционално е голем пазар за Toyota, таму за девет месеци се продадени над 2 милиони автомобили

На домашниот пазар во Јапонија, Toyota продала 1,66 милион возила (+3,8%). Продажбата во останатиот дел од Азија се намалила за 3,1 проценти, на 1,23 милион возила, што првенствено се должи на ослабнатиот пазар во Кина. На големиот пазар за концернот, во Северна Америка, продадени се 2,11 милион возила (+1,1%). Раст од 4,0 проценти, со 1,06 милион продадени возила, постигнат е во Средна и Јужна Америка, Океанија, Африка и Блискиот Исток.

Топ 10 Најприродни ситуации за Lexus RX 450h … и 10 други


Ти се допаѓа? Сподели со пријателите!

151
20 shares, 151 points
Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

0 Comments

Вашата адреса за е-пошта нема да биде објавена. Задолжителните полиња се означени со *