за

Toyota од март продала 222 автомобили на водород во Германија

Најегзотичниот погон во сериско производство бележи зголемен интерес на германскиот пазар. Има и масивна субвенција за Toyota Mirai.

Од почетокот на продажбата на втората генерација на Toyota Mirai во март, во Германија се регистрирани 222 примероци од автомобилот што користи водород како погонско гориво.

Тоа може да се нарече бестселер. За шест месеци во Германија се регистрирани дури 222 примероци од автомобилот со најреткиот вид на погон што е во сериско производство во светот. Досега на германскиот пазар немало толку висок број на продадени примероци од водородниот автомобил на Toyota во толку кус временски период. Вклучувајќи ги примероците од првата генерација, во земјата се регистрирани вкупно 525 примероци од автомобилот.

Toyota Mirai во основата е електричен автомобил, со таа разлика што место тешка и скапа батерија користи резервоари со водород и посебен модул со горивни ќелии во коишто се врши хемиска реакција на водородот.

Водородниот автомобил на Toyota е во редовна продажба и достапен е за приватни лица, компании, како и за државни институции. Бидејќи Mirai се вбројува меѓу електричните автомобили, за него во Германија важи субвенција во висина од 7.500 евра. Компаниите можат да користат оперативен лизинг, со месечна рата од 399 евра, за период од 48 месеци и најмногу 10.000 километри месечно.

Полнењето водород трае само пет минути – доколку има станица за точење водород во близина

Најголемата предност на Toyota Mirai е полнењето на резервоарот за само пет минути, но тоа е во исто време и најголем недостаток, затоа што мрежата од станици што толат ворород е повеќе од скромна. Германија сепак вложува веќе подолго време во мрежата од станици за водород и може да се зборува за некаков степен на покриеност на земјата со водородна инфраструктура по главните сообраќајни жили.

Емисијата на штетни материи е нула. Од цевката назад капе единствено кондензирана, чиста вода. Зборот Mirai е јапонски и означува иднина. Лимузината долга пет метри во комфорот, во перформансите, возните својства и практичноста не се разликува од останатите лимузини во класата што имаат обичен погон.

>>> Toyota Mirai извозе рекордни 1.003 km со еден резервар водород

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Tesla Model S Plaid постави брзински рекорд на Нирбургринг

Тркачката Škoda Favorit постигнуваше брзини до 240 km/h