за

GR010 Hybrid: Тоа е новиот главен тркач на Toyota

Одделението за мотоспорт Toyota Gazoo Racing ја продолжува традицијата во светското првенство во издржливост со нов хиперавтомобил, според новите правила.

GR010 Hybrid: Тоа е новиот главен тркач на Toyota

Почна новата ера на Toyota Gazoo Racing и на светското првенство во издржливост. Денес во Белгија се возеше првата трка од новата сезона, 6 часови на Спа Франкоршамп. Големата новина е во тоа што место скапите прототипи со „вселенска“ техника, сега се возат за неколку нијанси пореални хиперавтомобили.

По легендарната Група Ц во 1980-те и 1990-те години, лани заврши спектакуларната ера на прототипите во категоријата LMP1. Од годинава, се возат хиперавтомобили. Како бранител на титулата и трикратен победник на Леман, Toyota Gazoo Racing секако дека уште од старт е дел од првенството. Во следните години ќе се придружат и уште голем број конкурентски марки, неизвесноста е гарантирана.

Возачките тимови во Toyota GR010 Hybrid ги сочинуваат познати имиња: Светските шампиони Мајк Конвеј, Камуи Кобајаши и Јозе Мариа Лопез ја возат „седумката“, додека ланските победници на Леман, Себастиен Буеми, Казуки Накаџима и Брендон Хартли се менуваат зад воланот на болидот до стартен број 8.

Погонската спрега на GR010 Hybrid „почнува“ со електромотор напред, со моќност од 272 КС, којшто се вклучува над 120 km/h и создава погон на сите тркала. Со 3,5-литарскиот мотор V6 се добива системска моќност од 680 КС. Нема ограничувања во поглед на горивото што може да се потроши. Ланскиот TS050 Hybrid беше полесен 162 килограми и моќен над 1.000 КС, но постоеја строги ограничувања во поглед на горивото.

Бројноста на тимот на тркачката патека исто се ограничува на 43 лица, со новиот правилник. Целта е да се смалат трошоците и да се поттикне реорганизација и поголема флексибилност на механичарите и инженерите.

Toyota GR Yaris е британски автомобил на годината

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Avatar

Вашата адреса за е-пошта нема да биде објавена. Задолжителните полиња се означени со *

Продавници со алкохол во Франција мора да нудат и алко-тестови

Продавници со алкохол во Франција мора да нудат и алко-тестови

Американците не се снаоѓаат најдобро на кружен тек