Дарко Јаконов
Со две победи во низа, најуспешниот фабрички тим на Toyota Gazoo Racing моментно е на второто место во вкупен пласман на Рели Дакар 2021. Остануваат само пет минути заостаток зад лидерот. Ал Атија и Баумел се надеваат на четврта победа на најтешкото рели во светот.
Најголемото изненадување на третата етапа за тимот на Toyota Gazoo Racing до донесоа новаците Хенк Лејтган и Брет Камингс, кои извозеа совршена трка и втори го завршија вчерашниот брзинец на Рели Дакар. Заостатокот зад Насер и Матје изнесуваше само 2:27 минути. Тоа им донесе седмо место во вкупен пласман на Лејтган-Камингс, со вкупно 47:25 минути заостаток.
Ветеранот Ги де Вилиер и навигаторот Алекс Харо ја стартуваа трката 17-ти, по што се соочија со тешки предизвици. Откако во претходниот ден загубија два часа, новата етапа уште во почетокот им донесе скршена погонска оска, по што следеа и две дупнати гуми.
Тимот во четвртиот тркачки Hilux на Toyota Gazoo Racing, во рацете на Шамир Варијава и Денис марфи, исто така имаше дефект на погонска оска во почетокот на етапата, за потоа да следат уште пет дупнувања на гума. Тие заостанаа над два часа, но напредуваа во вкупниот пласман и сега се на 44-то место.
Глин Хол, директор на тимот: „Денес имавме навистина голема етапа, но беше различно од нашите очекувања. Знаевме дека етапата е долга над 400 километри, но имаше многу карпи што не беа спомнати на брифингот. Денот сепак го завршивме успешно, со Насер и Матје како победници на етапата, иако стартуваа први. Тие воедно ја смалија временската предност на Стефан Петерхансел. Ценам дека најголемата вест на денот се Хенк и Брет, кои завршија втори, со две и пол минути заостаток зад Насер.“
Резултати од 3-та етапа на 2021 Дакар Рели:
1-ви место No. 301 Nasser Al-Attiyah/Mathieu Baumel, 3hr 17min 39sec
2-ро место No. 332 Henk Lategan/Brett Cummings, +2min 27sec
27-мо место No. 304 Giniel de Villiers/Alex Haro, +37min 47sec
49-то место No. 330 Shameer Variawa/Dennis Murphy, +2hr 6min 39sec
Вкупни резултати на 2021 Дакар Рели по 3-та етапа:
2-ро место No. 301 Nasser Al-Attiyah/Mathieu Baumel, +5min 09sec
7-мо место No. 332 Henk Lategan/Brett Cummings, +47min 25sec
24-то место No. 304 Giniel de Villiers/Alex Haro, +1hr 46min 05sec
44-то место No. 330 Shameer Variawa/Dennis Murphy, +4hr 34min 13sec
