Дарко Јаконов
Toyota води, втор е Volkswagen, Skoda е трета марка според бројот на модели што ги има во Топ 10 на пазарите ширум Европа, а Kia го презеде четвртото место од Dacia.
Модели на Toyota се појавуваат 56 пати во Топ 10 на триесет пазари ширум Европа, сметано за првите осум месеци од годината. Тоа покажува дека јапонската марка продолжува да ја зголемува предноста во споредба со првото полугодие од 2022 година, кога имаше 52 модели пласирани во националните Топ 10. Toyota бележи напредок и во споредба со првите седум месеци, кога имаше 54 модели во Топ 10.
Во август, Yaris се појавувал 13 пати во Топ 10 на триесетте европски пазари, што е два пати повеќе отколку во јули. Yaris Cross успеал осум пати да биде меѓу десетте најпродавани модели во земјите во Европа.
Volkswagen е втор со 40 модели во Топ 10, за три повеќе отколку до јули, а по него следи сестринската марка Skoda, со 28 пласмани.
Kia ја престигна Dacia и сега е на четвртото место, откако еден месец порано беше нерешено меѓу двете марки. Моделите на јужнокорејскиот производител се појавуваат 26 пати во Топ 10 до август. Романската марка на Renault има 25 модели во Топ 10.
Следна марка според владеењето со европскиот пазар е Peugeot, со 20 модели меѓу 10-те најпродавани автомобили на националните пазари, по него е Hyundai, со два модели помалку.
Според вкупната продажба, Volkswagen T-Roc го предводи европскиот пазар, како најпродаван модел во Европа во јули и август. Кросоверот се појавува 14 пати во националните Топ 10 гледано до август, наспроти 10 пати до јули.
Volkswagen T-Roc е најпродаван модел во Кипар и Словенија и втор најпродаван модел во Германија.
Во тринаесетте Топ 10 пласмани на Toyota Yaris влегуваат титула на најпродаван модел во Грција и трет најпродаван модел во Полска.
Kia Sportage и Dacia Sandero имаат 11 пласмани во Топ 10.
Peugeot 208 и Toyota RAV4 десетпати се во Топ 10.
Yaris/Yaris Cross, Corolla и RAV4 заедно имаат 43 пласмани меѓу десетте најпродавани модели до август.
Kia Sportage најпродаван модел во Македонија во јули – заедно со Fiat Tipo
