Калифорнискиот производител на електрични возила постигна рекорд во бројот на произведени и испорачани автомобили во третото тромесечје. Претходниот рекорден квартал е надминат за 24 проценти.
Како што шефот Илон Маск навести со пораката што претходно ја испрати до своите вработени, Tesla постигна рекорден квартал во овој чувствителен период. Претходниот рекорд во бројот на испорачани возила беше постигнат во последниот квартал лани, со вкупно 112.000 возила. Во кризната 2020 година, електро-специјалистот од Фремонт испорача 27.000 возила повеќе, односно 139.300 возачки и возачи во претходниот квартал станаа сопственици на нов автомобил од Tesla.
Со нормализирањето на пазарот, по првичниот силен удар на корона-кризата врз продажбата на автомобили, Model 3 и Model Y повторно бележат голем раст во продажбата. Наспроти тоа, поголемите и поскапи Model S и Model X, продолжија да стагнираат со продажбата.
Бројот на произведени автомобили од јули до октомври е за 5.000 примероци повисок од бројот на испораки. Во соопштението од седиштето на компанијата во Фремонт се наведува дека „лагерот од возила продолжи да се празни во третиот квартал, како резултат од подобрувањето што го постигнавме во ефикасноста на испораките.“
Статистиката на електро-пионерот не е транспарентна во поглед на одделните модели, односно продажбите на Model S и Model X се водат заедно, исто како и на Model 3 и Model Y.
Производство |
Испораки |
|
Model S/X |
16.992 |
15.200 |
Model S/Y |
128.044 |
124.100 |
Вкупно |
145.036 |
139.300 |