за

Suzuki втора најпродавана марка по Toyota во Јапонија лани

За Toyota Yaris е веќе класика да се спомнува дека е најпродаван модел (и) во Јапонија. Пријатно изненадување пристига од Suzuki, втора марка по примусот во браншата.

Suzuki Hustler продажба јапонија

Во Јапонија во минатата година се продале 4,6 милиони возила, за 11,5% помалку отколку во ’19. Кусокот за целиот пазар, предизвикан од корона вирусот, изнесува близу 600.000 возила. Toyota изгубила само 6% од продажбата, што е речиси двојно помалку од просекот во земјата. Големата вест всушност доаѓа од Suzuki.

Со релативно добро задржување на динамиката во продажбата и со умерен пад во услови на пандемија од 9,4 проценти, Suzuki ја заврши минатата година на второто место на автомобилскиот пазар во Јапонија. Марката со големото S го престигна ланскиот вицешампион Honda, кој се соочи со продажба намалена за 14,3 проценти и се најде на третото место на најпродавани марки во земјата. Suzuki воедно го зголеми уделот и сега држи 13,7 проценти од јапонскиот пазар.

Добро се држеше и Daihatsu, чијшто пад (-10.1%) е помал од пазарниот просек. Наспроти тоа, Nissan (-17.5%), Mazda (-13.6%) и Subaru (-19.6%), сите тие имаат натпросечен пад. Понатаму во јапонскиот Топ 35, посебно е впечатлив растот на Ferrari од 24,7 проценти – иако станува збор за релативно мал број возила. Во споредба со своите преклански продажби, добро се држеле и Ford (+6.6%) и Porsche (+1,3%).

Во конкуренција на модели, Toyota Yaris е неприкосновена на врвот, со близу 152.000 продадени примероци, вклучувајќи ја и изведбата Yaris Cross. На јапонските возачки и возачи очигледно им се допаѓа „новото“ име на градската Toyota, затоа што претходната генерација на Yaris таму се продаваше под името Vitz.

Toyota Raize е втор најпродаван модел во Јапонија, пред Toyota Corolla (+13,3%). Водечката петорка ја заокружуваат Honda Fit/Jazz (+32%) и Toyota Alphard (+32,1%). Шампионот од лани, Toyota Prius (-46.4%), се спушти на 12-то место. Објаснувањето за тоа е во Corolla, којашто сега се нуди со две варијанти на хибриден погон и во три каросериски изведби. И повторно Suzuki: Нивниот Jimny Wagon напредувал за дури 53,3 проценти.

Suzuki е посебно силен на домашниот пазар во сегментот на привилегираните мини-автомобили

Во категоријата на мини-автомобилите прва е Honda N-BOX (-22,7%). Следи Suzuki Spacia (-15,9%), којашто напредуваше за едно место и го потисна Daihatsu Tanto. Понатаму, Daihatsu Move (-15,2%) го престигна Nissan Dayz (-44,7%). Suzuki се појавува уште еднаш со Hustler (+38.5%), кој напредувал за три места и лани бил шести најпродаван модел во привилегираната категорија на мини автомобилите (долги до 3,4 метри, широки до 1,48 метар и со мотор до 660 cm3)

На јапонскиот пазар се продаваат добро и увозните модели: Mini, Mercedes A-Class, VW Golf и T-Cross, BMW серија 3, Volvo серија 60 и Mercedes CLA.

Suzuki Ignis со нови награди од WhatCar: Највреден за парите и најштедлив

По ланскиот победнички поход во класата, малечкиот СУВ-модел Suzuki Ignis Hybrid годинава освои награда за „Best Buy“ во изборот на британскиот магазин What Car за 2021 година. Откако мина темелни тестирања и оценувања од страна на уредничкиот тим на магазинот, Ignis беше прогласен за модел што нуди најдобра противвредност во класата на малечки СУВ-модели. Како и сите модели во понудата на јапонскиот прозиводител, во Suzuki Ignis работи благ хибриден погон, со стартер-генератор и мала батерија под совозачкото седиште. Со 1,2-литарскиот 1.2 Dualjet хибриден погон и со погон напред, Ignis освои награда од магазинот и во рамките на изборот за најштедливи автомобили, што WhatCar го води под името „True Mpg“. Малечкиот СУВ беше најштедливиот модел тестиран од тимот. Со тоа уште еднаш се покажа веродостојноста на прогласувањето на Suzuki Ignis за победник во „True Mpg“ во 2019 година и лани. Читателите на What Car? Практикуваат да се консултираат со тимот на магазинот околу изборот на автомобил, и во случај кога се бара нешто мало, достапно и со ниски трошоци за одржување, што е воедно и лесно за возење, Ignis се наоѓа високо на листата на препораки од британскиот тим. Дополнително постои и можност да се избере варијанта со автоматски погон на сите тркала Allgrip . Уедникот на What Car, Стив Хантингфорд, коментира околу изборот: „Доколку сакате седење на повисоко во автомобил со мали димензии што е погоден за низ град, по достапна цена, речиси и нема подобар избор од Ignis. Автомобилот убедува и откако ќе се излезе од градот, бидејќи тој е наштедливиот автомобил што сме го тестирале на споредни патишта и автопати, постигнувајќи соодветно 3,77 L/100 km и 5,29 L/100 km на нашите реални True MPG тестови

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Avatar

Вашата адреса за е-пошта нема да биде објавена. Задолжителните полиња се означени со *

Lexus LFA одбележува десетгодишнина: Со годишна влезница за Нирбургринг

Lexus LFA одбележува десетгодишнина: Со годишна влезница за Нирбургринг

велосипед против глобално затоплување

Оксфорд: Користењето велосипед е делотворна мерка против глобалното затоплување