за

Suzuki има нов V-Strom, реден мотор во замена за V-Twin

V-Strom е ценето име во понудата на Suzuki уште од 2022 година, со зафатнина од 650 или 1050 кубици. Новиот Suzuki V-Strom 800 ја задржа буквата V, но моторот е сменет.

Suzuki има продадено 440.000 примероци од V-Strom од 2002 година. Од следната година, на постоечките модели V-Strom 650 и V-Strom 1050 им се придружува новиот V-Strom 800, како проширување на понудата на мотоцикли за авантуристи.

Новиот „800“ со цената и перформансите е блиску до постоечкиот Suzuki V-Strom 650, којшто сепак ќе остане во понудата, барем уште во следната година. Но, сосем е извесно дека 650-ката, порано или подоцна ќе биде заменета со новиот V-Strom 800.

Буквата V во ознаката на новиот модел не се однесува на моторот, затоа што за разлика од моделите со 650 и 1050 сантиметри кубни, коишто имаат мотор V-Twin, па соодветно и името на моделот е V-Strom, туку има нов мотор со два цилиндри во линија. Тоа станува вообичаено во средната класа, па и во повисоките класи. Во иднина и Suzuki ќе ги користи предностите на широко распространетиот принцип со од 270 степени агол меѓу ракавците на колената. На тој начин се постигнува исто растојание меѓу палењата, вклучувајќи и ист карактер и ист звук, како кај V-Twin со 90 степени агол меѓу цилиндрите, во постоечките модели V-Strom.

Редниот двоцлинударец од 776 сантиметри кубни е комплетно нов мотор, со најсовремена техника. Тоа вклучува водено ладење, впрскување на горивото со електронско управување на клапната (Ride by wire), како и две брегасти вратила во главата и четири вентили по цилиндар. Според Suzuki, посебност на моторот е патентираната положна на двете балансирачки вратила, што заедно ги потиснуваат инерцијалните сили од прв и од втор ред. Тие се поставени со 90 степени агол меѓу ракавците на колената и Suzuki ги нарекува Cross Balancer.

New item by Automedia MK / Google Photos

Работната зафатнина од 776 cm3 прозлегува од 84 милиметри пречник и 79 милиметри óд. Компресијата е релативно висока, 12,8:1. Врвната моќност изнесува 84,3 КС (62 kW) при 8.500/min – тоа е за 1 kW повеќе во споредба со исто така новиот Naked Bike GSX-8S, во којшто работи истиот мотор. Максималниот вртежен момент е 78 Nm при 6.800/min. Како просечна потрошувачка, според нормата WMTC се наведува 4,4 литри – 0,2 литар повеќе од GSX-8S. Стандард е шестстепен менувач со лесна слипер-спојка, исто како и квикшифтер заедно со блипер. Тоа значи дека може да се префрлува во повисок или понизок степен, без да се повлекува рачката на спојката.

New item by Automedia MK / Google Photos

Сите светла се диодни, дисплејот во боја е со пречник од 13 сантиметри, има три режими на возење, четири степени на контрола на тракција, автоматски старт и зголемување на вртежите при поаѓање или при застој на патот. Дополнителниот, 4-ти степен на контролата на тракција се води како Gravel и дозволува малку повеќе пролизгување на задното тркало. ABS има дополнителен режим за теренско возење, а може и целосно да се исклучи на задното тркало.

New item by Automedia MK / Google Photos

Шасијата е конвенционална, барем во случај на изведбата V-Strom 800 DE (Dual Explorer), што Suzuki ја претставува прва. Рамката е од челични цевки и профили, задната дводелна осцилирачка нога е од алуминиум, со централен амортизер, и телескопска вилушка Upside-down. Вилушката и амортизерите имаат целосна приспособливост и производ се на Showa. Постои рачно тркало за едноставно предзатегнување на задниот амортизер. Долгите одови, со 220 милиметри напред и назад, прават вистински ендуро од V-Strom 800 DE. Тоа важи и за жичените тркала, посебно за предното тркало со пречник од 21 инчи. Димензијата на предната гума е 90/90-21, на задната 150/70R17.

Со 20 литри резервоар, V-Strom 800 DE тежи 230 килограми. Седиштето е релативно високо, со 855 милиметри, без можност за местење. Ветробранот може да е поместува во два степени, по 15 милиметри. Стандардната опрема опфаќа пластични шитници на рачките на алуминумскиот гидан, на моторот, па дури и на ладилникот за вода, што е одличен потег.

New item by Automedia MK / Google Photos
New item by Automedia MK / Google Photos
New item by Automedia MK / Google Photos

Suzuki V-Strom 1050 DE за уште подолги авантури по теренот

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Менаџерка од Гугл ќе раководи со маркетингот на Volkswagen

Германија блокира Кинезите да купат удел во две фабрики за микрочипови