Suzuki долго време е присутен на индискиот пазар и конкрентите сигурно нема да успеат преку ноќ да го престигнат домашниот Maruti Suzuki, со своите 44,2 проценти удел на пазарот. Тој удел може понатаму само да расте, затоа што компанијата деновиве купи земјиште на коешто ќе гради нови фабрики.
Автомобилскиот огранок на корпорацијата Suzuki Motor во Индија, познатата Maruti Suzuki India Limited (MSIL), заедно со огранокот што произведува мотоцикли, Suzuki Motorcycle India Private Limited (SMIPL), купија државно земјиште во Каркода, во индиската сојузна држава Харјана.
На делот од земјиштето со површина од 3,2 километри квадратни (околу 320 хектари) ќе се гради фабрика за автомобили. Почетокот на производството се очекува во 2025 година, годишниот капацитет ќе изнесува 250.000 возила, во првата година. Инвестицијата во автомобилската фабрика е во вредност од 110 милијарди рупии, односно околу 1,35 милијарда евра. За фабриката за мотоцикли е објавено единствено дека таа ќе покрива површина од 40 хектари.
Изградбата на новите фабрики е дел од стратегијата на компанијата, во Индија да се понудат најразлични видови на мобилност и воедно да се одговори на растот што го доживува индискиот автомобилски пазар.
#BTCover | For decades, 𝐌𝐚𝐫𝐮𝐭𝐢 𝐒𝐮𝐳𝐮𝐤𝐢—India’s largest carmaker—enjoyed a 50% market share in the passenger vehicles segment. But its share has dipped to 43% now. Does #Maruti need a makeover? What are its plans? Find out in the 🆕 issue of BT#OnStandsNow GRAB A COPY pic.twitter.com/KHwbqzHSve
— Business Today (@business_today) May 1, 2022
Suzuki во моментов произведува автомобили во фабриките на Maruti Suzuki во Гургаон и во Манесар, двете во Харјана, како и во фабриката на Suzuki Motor во Гуџарат. Мотоцикли се произведуваат во фабриката во Харјана. Вкупната продукција во минатата година изнесуваше 1,66 милион автомобили и 750.000 мотоцикли.
Компанијата што во 2020 одбележа стогодишнина е партнер на Toyota. Suzuki и светскиот број 1 веќе имаат повеќе заеднички модели, коишто имаат за цел да ја зголемат конкурентноста на алијансата на пазарите што бележат голем раст, а меѓу нив секако е главен индискиот пазар.
