за

Skoda Octavia доби благ хибрид, заштеда 0,4 литар

Новата погонска изведба во понудата на Skoda Octavia се води како 1.0 TSI e-TEC, има 110 КС и стандардно е во комбинација со седумстепен DSG.

skoda OCTAVIA_e-TEC_COMBI

Уште една нова погонска варијанта во гамата на Skoda Octavia. Новитетот ја носи ознаката 1.0 TSI e-TEC. Тоа е прв благ хибрид на Чесите и стандардно се испорачува со 7-степен менувач со двојна спојка. Освен во лимузинска, Skoda го нуди моделот и во комби изведба.

Новиот трицилиндарец со технологија на благ хибрид стои на располагање за лимузинската и комби изведбата на Skoda Octavia, со нивоата на опрема Ambition и Style. Вообичаено, на почетокот од продажбата се нуди специјална серија First Edition, со повеќе опрема и неколку стилскид етали, но со ценовна предност за купувачите.

Цената за Octavia Ambition во комбинација со 1,0 TSI e-TEC DSG со 110 КС во Германија изнесува 26.572 евра – тука одлично одговара споредба со цените на Порше: Кај нас верзијата без благ хибрид, со истото ниво на опрема и со мануелен менувач стартува од 17.770 евра.

Клучната улога во благиот хибриден погон ја има стартер-генераторот под напон од 48 волти, што со ремен е споен со коленастото вратило. Мала батерија од 0,6 kWh се наоѓа под совозачкото седиште и се полни единствено со енергијата што стартер-генераторот ја произведува при забавување и сопирање. Преку рихтер кој напонот го претвора во 12 волти, од оваа батерија може да се полни и акумулаторот.

Оваа енергија се користи при забрзување и поаѓање, кога стартер-генераторот кусо работи како електромотор. Тој испорачува 50 њутнметри, што се добредојдени при поаѓање. Уште една способност на благиот хибриден погон е „едрењето“ со комплетно изгаснат мотор, кога се овозможува возилото максимално да го искористи залетот. Од тоа може да се очекува заштеда од 0,4 литар бензин на стро километри.

Моторот стартува побрзо, помеко и без вибрации, а истото важи и при гаснењето. Моделтие со овој погон се препознаваат по ознаката e-TEC на задниот поклопец.

Вкупно пет погонски варијанти стојат на располагање за новата генерација на бестселерот. Покрај бензинци и дизели од новата генерација Evo, Skoda нуди верзија со приклучен хибриден погон (Octavia iV), како и изведба со погон на метан G-Tec. Кон крајот на годината, Skoda ќе понуди e-Tec изведба и на моторот 1,5 TSI со 150 КС.

>>> Тест: Skoda Octavia 2.0 TDI DSG Style

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

mercedes продажба трет квартал 20

Нема криза за премиум: Mercedes го заврши кварталот во плус

volkswagen саксонија фабрика id.3

Од Trabant до електричен Volkswagen ID.3