за

Škoda Karoq се појавува во ново издание на крајот на месецов

Над половина милион примероци се произведоа од стартот на компактниот СУВ-модел Škoda Karoq во 2017 година. Следи освежување.

Во минатата година, како и во првите шест месеци од 2021, Škoda Karoq е најпродаван СУВ модел на чешката марка и втор најпродаван модел воопшто. На 30-ти ноември ќе биде претставено освеженото издание преку дигитална презентација.

Škoda Karoq има голем удел во успехот на чешката марка, откако стартуваше неговата продажба во пролетта 2017 година. Под закрила на „големиот брат“ Kodiaq, компактниот СУВ оттогаш убеди бројни купувачи, но убеди и признаени стручни магазини на пошироката европска сцена. Продукцијата надмина половина милион примероци.

Според Мартин Јан, директор за продажба и маркетинг на чешкиот производител, Karoq уште од почетокот ги привлекува клиентите „со неговата просторна кабина и со функционалноста што е својствена за Škoda.“

Karoq беше втор чекор во офанзивата од СУВ-модели на Škoda во 2017 година и со тоа постигна многу за офанзивата да биде успешна. Лани близу од 40% од испораката на возила Škoda во светски рамки биле СУВ-модели. Годинава, Karoq е најпродаван СУВ на марката и втор најпродаван модел воопшто, по Octavia.

Моделот моментно се нуди на 60 пазари ширум светот. Производството е во Чешка, во Словачка, како и во Русија. Името доаѓа од јазикот на Алуитите, пражители на Аљаска.

Магазинот Auto Bild во 2017 година му додели „Златен волан“ на моделот на Škoda, a влијателниот Auto Motor und Sport го награди за најдобар дизајн во класата, со титула Autonis. Третиот меѓународно познат германски магазин Auto Zeitung го прогласуваше Karoq за најдобар увозен СУВ до 25.000 евра во 2017, 2018 и 2019 година. Компактниот СУВ освои и титула на автомобил на годината во Чешка и во Грција, како и СУВ на годината во Бугарија.

>>> Фолксвагенова симфонија број 8 во MQB-мајор

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Mercedes го произведе 35-милионитиот претворач на вртежен момент во Гагенау

Kia започна со производство на новиот Sportage во Жилина