Откако започна производството во Гагенау во 1979 година, до денес се изработени 35 милиони примероци од клучниот дел за класичните автоматски менувачи, што ги спојува моторот и автоматскиот менувач.
Искусните возачи можат веднаш да ја почувствуваат разликата меѓу автомобил со класичен автоматски менувач со претворач на вртежен менувач и менувач со двојна спојка, што исто така претставува вид на автоматски менувач. Разликата е во тоа што поаѓањето во првиот случај е меко, рамномерно и без загуба на сила, веднаш штом се отпушти педалата за гас. Тоа е одлика на автоматските менувачи во класичните моделски серии на Mercedes. Претворачот на вртежен момент учествува во „произведувањето“ на типичниот возен комфор на Mercedes-Benz.
Томас Творк, директорот на фабриката: „Тоа се одушевувачки бројки: Во фабриката на Mercedes-Benz во Гагенау произведуваме претворачи на вртежен момент повеќе од 40 години. Тоа што на оваа локација од лентите се симнаа 35 милиони примероци, благодарение е на исклучително високиот квалитет на нашите производи и високата побарувачка што произлегува од тоа.“
Во Гагенау се произведуваат најразлични варијанти на претворачот на вртежен момент за бројни модели на патнички автомобили на Mercedes-Benz. Деловите оттаму се испорачуваат во фабриките за менувачи на концернот.
