за

Škoda Karoq: Тенки светла и аеро-зафати за бестселерот

Новото моделско годиште на Škoda Karoq се препознава по тенките светла, коишто создаваат контраст со широката и нагласена маска.

SKODA KAROQ FL

По четири години од почетокот на продажбата, Škoda го освежува својот најпопуларен СУВ-модел Karoq. Промените во изгледот се извршени за компактниот модел да се вклопи со останатите модели. Во кабината се користат материјали од обновливи извори, се вградува и нова технологија.

Помалиот брат на Kodiaq лани беше втор најпродаван модел на Škoda по Octavia, а трендот продолжи и во првите шест месеци од годинава. Томас Шефер, претседател на извршниот одбор на Škoda, зборува за успехот на Karoq: „Со повеќе од половина милион продадени примероци, Karoq е еден од столбовите на успехот на нашата марка. За тоа да продолжи, моделот го усовршивме за годините што следат: со освежен дизајн, оптимирана аеродинамичност, како и со врвни системи за систенција и можности на инфо-забавните системи. Убеден сум дека со овој усогласен вкупен пакет ќе продолжиме да ја пишуваме успешната приказна на Škoda Karoq.“

Свеж дизајн, подобрена аеродинамичност и материјали од обновливи извори во внатрешноста

Škoda изврши неколку зафати во изгледот, со коишто компактниот СУВ се приближи до стилот на поновите модели во понудата на чешката марка. Тие промени доведоа Karoq да биде мошне впечатлив. Маската е поширока и сега има нагласена шестаголна форма, во контраст со новите тенки светла. Истиот зафат е извршен и кај задните светла. Дизајнот на алу-тркалата е сменет со цел да се подобри аеродинамичноста, со црни пластични вметоци. Во таа насока продолжуваат новиот заден спојлер и малите перки покрај задното стакло.

New item by Automedia MK / Google Photos

Внатре се применуваат нови облоги, што се изработени од материјали од обновливо потекло. Се воведуваат нови технологии, на пример, првпат во Karoq се достапни матрични диодни светла. Исто е збогатена и понудата од системи за асистенција.

Карактерот на вториот СУВ од новата генерација, по Kodiaq, ги задржува квалитетите што придонесоа за неговиот успех, како што се просторната кабина, високата практичност и одличната противвредност. Škoda Karoq моментно се нуди во 60 држави ширум светот и се произведува во Чешка, Словачка, Русија и во Кина.

New item by Automedia MK / Google Photos

>>> Фолксвагенова симфонија број 8 во MQB-мајор

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Електричната Kia EV6 е кросовер на годината за Top Gear

Камион на Daimler носеше тон со 5 КС пред 123 години