Дарко Јаконов
Škoda ја најавува новата Fabia како модел со впечатлив дизајн, голема кабина, висок комфор и изобилство од системи за асистенција што го прават возењето побезбедно. Тоа доаѓа како надградување на вредностите со кои чешкиот модел се докажуваше досега, односно со изржливост, практичност, безбедност, комфор и динамика.
Првиот збор при најавувањето на новата генерација на Škoda Fabia му припаѓа на Јоханес Хефт, директор за технички развој: „Со нагласениот емотивен дизајн, новата Fabia е вистинска Škoda од прв поглед. Во споредба со претходничката, значително го подобривме ентериерот, со високо ниво на комфопр, напредни инфо-забавни системи и иновативни системи за асистенција.“ На тоа се придружуваат повеќе простор во кабината, штедливи и моќно мотори и одлични возни својства. „Нашиот нов основен модел има сé што сакате од модерен мал автомобил – и повеќе“, додава Нефт.
Диодни светла ќе бидат стандард во секоја Fabia, како опција ќе може да се изберат и диодни задни светла. Во кабината може да се очекуваат истите пристапи кои направија Octavia да создава многу попросторен впечаток. Кокпитот се опишува дека има симетрична форма, класичн со дисплеј во средината. Украсни лајсни со најразличен финиш ќе го нагласуваат впечатокот за ширина на кабината. Дигитални инструменти ќе се вградуват првпат во моделот. Најавени се трите познати нивоа на опрема, Active, Ambition и Style.
Главните димензии на новата Škoda Fabia:
Должина [mm] 4,107
Ширина [mm] 1,780
Висина [mm] 1,460
Меѓуоскино растојание [mm] 2,564
Ширина на трага напред [mm] 1,525
Ширина на трага назад [mm] 1,509
Багажник [l] 380
– со соборена задна клупа [l] 1,190
Два мотори MPI и три мотори TSI
Понудата ќе вклучува пет бензински мотори, од 64 КС до 150 КС. Многу поширокиот дијапазон на моќност укажува дека Чесите сепак се особено сериозни околу динамиката што ја најавуваат за новата Fabia. Сите мотори се од Evo-генерацијата, со потрошувачка од околу пет литри во реален циклус. Како опција ќе се нуди резервоар од 50 литри, место 40 литри, со што и досегот ќе изнесува близу 1.000 километри. Новина е моторот 1.5 TSI со 150 КС, стандардно со 7-степен DSG.
Во споредба со претходникот, коефициентот на отпор на воздух е смален од 0,32 на 0,28. Тоа значи дека Fabia ќе биде најаеродинамичен модел во класата. Има и активни зафати за аеродинамичноста, на пример ламелите во долниот отвор за воздух се затвораат кога се вози со повисока брзина.
Секако дека нема да недостигат идеите Simply Clever. Шампионите во иновирање смислија 13 нови решенија кои ја унапредуваат практичноста на автомобилот. Новата Škoda Fabia располага со вкупно 43 решенија Simply Clever.
