за

Shell гради најголема фабрика за водород во Европа

Холандскиот огранок на Shell и инвестицискиот огранок на нафтениот гигант, најавија изградба на Holland Hydrogen I, најголема фабрика за водород во Европа. Планот е фабриката да почне со работа најдоцна до 2025 година.

Построението во коешто водородот ќе се добива по пат на електролиза, т.н. електролизер, со моќност од 200 мегавати, се гради во гигантскиот градежен проект Тведе Масвлакте, во ротердамското пристaниште. Во фабриката, дневно ќе се произведуваат до 60.000 килограми водород, без негативно влијание врз животната средина.

Клучниот момент во целиот потфат е напојувањето на електролизерот со електрична енергија од ветерната фарма Холанде Куст, којашто во дел е во сопственост на Shell. Водородот произведен со обновлива енергија ќе се користи во Shell Energy и во Chemicals Park Rotterdam. „Горивото“ ќе се пренесува преку цевководот HyTransPort. Во тамошните рафинерии, и досега се користи водород, меѓутоа разликата е во тоа што тој во иднина ќе биде целосно неутрален во поглед на штетната емисија. Затоа, за водородот што се користи моментно, се вели дека е „сив“.

Целта е да се намали карбонскиот отпечаток на производството на фосилни горива, односно на бензин и дизел, како и керозин. Како што на пазарот во иднина ќе се зголемува уделот на камиони со погон на водород и во исто време ќе расте мрежата од станици за полнење, водородот на Shell ќе може да се користи и во таа намена, односно за декарбонизација на патниот транспорт.

Ана Масколо, заменичка на извршниот директор, во одделението за Emerging Energy Solutions во Shell, цени дека тоа е „уште еден пример за сопствените напори на Shell и обврската за биснисот да биде целосно неутрален во поглед на емисијата до 2050 година.“ Според менаџерката на Shell, „водородот од обновливо потекло ќе одигра пионерска улога во енергетскиот систем на иеднината и проектот претставува важен чекор, што ќе помогне водородот да го искористи тој потенцијал“.

Холандија е лидер во производството на водород во светски рамки. Shell поседува и управува со 10% од вкупниот капацитет на електролизери за водород во светски рамки. Компанијата распоалга со електролизер од 20 MW во Кина и електролизер со мембрана за размена на протони (PEM) во Германија. Таму се произведуваат 3.000, односно 1.300 тони водород годишно.

Toyota лани продала 6.000 автомобили со погон на водород

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Франција ги трга куќарките за патарина, наплатата електронски

Suzuki Vitara Brezza во 750.000 примероци во Индија, доаѓа наследничката