за

Вработените преку свои идеи му заштедиле 7,2 мио. € на Seat

Персоналот во Seat лани поднел повеќе од 3.000 предлози за подобрување на работните процеси, но и за заштитата на животната средина и за одржливоста.

Од вкупно пристигнатите предлози, 850 веќе се применуваат и му овозможиле на шпанскиот производител на автомобили Seat да заштеди средства во висина од 7,2 милиони евра.

Во рамките на програмата за оптимизација „Seat Ideas“, вработените можат да ги поднесат своите идеи преку дигитална платформа. Нивните идеи понатаму се разгледуваат од стручни лица и се применуваат доколку истите носат корист. Како награда за иновативноста, Seat на своите иноватори им доделува премии. Лани за тоа се исплатени вкупно 900.000 евра.

Лани најголем број предлози за заштеда биле поднесени во подрачјето на производството, особено во делот на обработка на ламарина. Потоа следат енергетскиот менаџмент и управувањето со објекти, како и логистиката.

Најголема заштеда е постигната преку алгоритмот за пријавување, што го следи системот на испратници што се издаваат за JIT-компоненти (Just in Time, односно делови од коишто не постои залиха и кои е потребно да се обезбедат во рок од само неколку часови). Од друга страна, намалување на емисијата на СО2 било постигнато со замена на пумпите за масло со вакумски пумпи, во системите за ладење на производствените постројки.

>>> Тест: Seat Leon 1.5 eTSI FR

Дарко Јаконов

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Avatar

Вашата адреса за е-пошта нема да биде објавена. Задолжителните полиња се означени со *

Кинескиот Great Wall Motor ја зголемил продажбата осумкратно – со „мала“ напомена

Тест: Kia Stonic 1.2 Reference