за

Автомобилите во ЕУ просечно стари 11,8 години, во Македонија над 20 години

Најмлад возен парк има Луксембург, каде што патничките автомобили во просек се стари помалку од 7 години, најстари се автомобилите во Романија. Бугарија е исклучена од статистиката.

Патничките автомобили што во моментов се возат во ЕУ во просек имаат година на производство 2010. Само шест држави во Унијата постигнуваат просек под 10 години. Понови автомобили се возат надвор од ЕУ: Норвешка, Швајцарија, Велика Британија, автомобилите во тие држави се помлади од европскиот просек.

Австрија, Белгија, Данска, но и Германија, Ирска и Луксембург, тоа се единствените држави во ЕУ во коишто просечната старост на патничките автомобили е под 10 години. Шампион е Луксембург, што со право се нарекува и Луксузбург, каде што просекот е 6,7 години. Во земјите со најстарите автомобили, во Романија и Литванија, просекот е десет години над оној во Луксембург. Деталната статистика ги зема предвид податоците за 2020 година, тоа се најновите податоци коишто стојат на располагање во моментов.

Германија се издвојува повторно, затоа што располага со еден од најсвежите возни паркови, но воедно и со најголем возен парк во Европа. Вкупно 48.248.584 патнички автомобили биле регистрирани во 2020 година во земјата. Во статистиката „оправдано“ недостига Бугарија. Земјата не се спомнува по ниту еден основ во деталната статистика. Отстапувањето на земјата е преголемо за да биде внесено во статистичката споредба, па како најдобро решение е избрано во овој поглед да се премолчи резултатот.

Ништо подобра не е Македонија, главно поради огромниот увоз на стари автомобили од луксузни марки од бугарските плацеви за користени возила, којшто трае веќе со години. По трендот на одржување на просечната старост на возниот парк на вредност од околу 15 години пред крајот на првата декада од новиот милениумот, следеше масовен увоз на стари луксузни автомобили. Последната прикажана вредност за просечната старост на македонските автомобили е 19,4 години.

Дијаграмот го прикажува наглото стареење на возниот парк во Македонија, големиот скок следи по масовното увезување стари луксузни автомобили

New item by Automedia MK / Google Photos

Бугарските автомобили загадуваат најмногу, норвешките најмалку

 

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Електричната Toyota во мај стартува во Јапонија, од летово и во Европа

Автомобил со вештачка интелигенција против американски полицајци