Откако марката Фолксваген ја победи во август и јули, на Тесла ѝ успеа во минатиот месец да се врати на врвот на продажбата на електрични автомобили во Европа. Последен пат, марката од САД беше прва во јуни. Вистинската слика сепак е различна.
Производителот од САД го предводеше пазарот на електрични автомобили во септември со Модел Ипсилон, со продадени 25.019 возила, за 9% помалку во споредба со истиот месец лани.
На второто место е Тесла Модел 3, со 12.084 возила, односно за продажба намалена за 15 проценти во споредба со лани.
Марката Фолксваген е вицешампионот во септември, пред чешката марка од концернот, Шкода. Тоа го покажуваат податоците по обработени 98 проценти од пазарите во ЕУ, ЕФТА и ОК.
Матичната марка на концернот Фолксваген продаде 23.018 батериски електрични автомобили и со тоа е за 18% над резултатот од септември 2024 година, додека Шкода продаде 16.737 возила, што претставува раст од 60 проценти.
Најпродаван модел на Фолксваген е компактниот ИД.3 со 7.693 примероци. ИД.3 учествуваше со 33 проценти во БЕВ-продажбата на Фау Ве во септември.
Шкода имаше еден од најуспешните пробиви во септември. За големиот раст е заслужен првенствено компактниот СУВ-модел Елрок, со 10.121 продадени возила, што му донесе 3-то место на пазарот, по двата модели на Тесла, но и веднаш пред ИД.3.
[the_ad id=”85764″]
Четвртото место ѝ припаѓа на марката Рено со 13.565 возила и раст од 90 проценти. Најпродаван модел на францускиот производител во септември беше Рено 5 Е-Тек (видеото од тестот, со 6.449 продажби.
Водечката петорка ја заокружи БМВ, иако има пад од 5,5 проценти и продадени 13.510 возила. Главен електричен модел на Баварците им е компактниот и Икс 1, со 4.357 возила, што е пад од 13 проценти.
БМВ и Икс 1 учествуваше со 32 проценти во продажбата на БЕВ на марката во септември
Во септември биле продадени вкупно 253.253 батериски електрични возила и тоа е раст од 22 проценти. БЕВ учествувале со 20,8 проценти во вкупната продажба во септември, наспроти уделот од 17 проценти во истиот месец лани.
Напредуваше и продажбата на приклучни хибриди за 63 проценти, со продадени 128.120 возила. Нивниот удел порасна на 10,6 проценти, наспроти 6,4 проценти лани.
На пазарот на приклучни хибриди (ПХЕВ), на кинеските производители им припаѓаат првите две места. Би Уај Ди Сил Ју е најпродаван ПХЕВ во Европа во минатиот месец, со 11.091 возила, наспроти само 501 возило во истиот месец во 2024 година. По него следи Џејку 7, со продадени 6.836 возила.
Водечката тројка ја заокружи Фолксваген Тигуан, со двојно зголемена продажба во споредба со септември 2024 и со 6.754 возила.
