за

Германија субвенционира купување приватни електрични полначи

Од буџетот на Германија ќе бидат издвоени уште 100 милиони евра за поставување приватни полначи за електрични автомобили во куќи и станбени згради.

ionity мрежа брзи полначи

Германија повторно го зголемува фондот за субвенционирање на поставувањето на приватни полначи во станбени објекти. Нови 100 милиони евра се издвоени за таа цел, со што вкупната сума за луѓето да си постават полначи во домот изнесува вкупно 500 милиони евра.

Поради големата заинтересираност за користење на државните субвенции за поставување полначи за електрични автомобили, сојузните германски власти го зголемија фондот за уште 100 милиони евра и тој сега изнесува вкупно половина милијарда евра.

Откако почна субвенционирањето во ноември лани, во станбени објекти во земјата се поставени 470.000 приватни електрични полначи, во чијашто набавка Германија учествувала со по 900 евра.

Во февруари, властите веќе еднаш го зголемија фондот со 100 милиони евра, сега повторно се зголемува сумата за уште толку. Приватни лица, куќни совети и градежни изведувачи имаат право да поднесат барање за субвенционирање на купувањето и поставувањето на фабрички нови станици за полнење електрични автомобили што не се достапни јавно. Услов е струјата за полначите да потекнува од обновливи извори.

>>> Германија ќе потроши 300 мио. € за полначи пред ресторани и супермаркети

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Porsche 911 carrera 4s

Porsche очекува годинава да продаде повеќе од 300.000 автомобили

BMW се подготвува за старт на електричниот iX3

BMW продава повеќе возила отколку пред корона-кризата