Со новата програма за субвенционирање првенствено се опфатени возачите на електрични автомобили, кои батеријата на своите возила не можат да ја полнат ниту дома, ниту на работа. Сојузниот министер за сообраќај Андреас Шоер ќе ја проширува „мрежата од полначи на оние места, што се користат во секојдневието, како супермаркети, хотели, ресторани, базени или спортски хали.“
Мали и средни компании ќе можат да поднесуваат барања за субвенција од 12-ти април до крајот на годинава. Посебно се повикуваат барање да достават компаниите од малопродажбата, како и хотели и ресторани, градски служби и регионални заедници.
Државата ќе покрива до 80 проценти од трошоците на инвестицијата и ќе издава одобренија според начелото „прв дојден, прв услужен“.
Субвенционираните полначи мора да овозможат roaming и Ad-hoc полнење. Задолжително е да се користи струја од обновливи извори. Полначот мора да биде поставен до 31-ви декември.