Peugeot најавува три светски премиери на својот штанд на салонот во Париз, на Мондијалот на автомобилите, што почнува веќе на 17-ти октомври. Секако дека голем нагласок ќе биде поставен на електричните модели, но и на традиционалната доблест на Peugeot, на создавање автомобили што побудуваат емоции.
Омилената марка на Французите, според редовната анкета на институтот YouGov, во сите категории, ќе изложува на Порте де Версај, на салонот на автомобили во Париз, од 17-ти до 23-ти октомври.
На штанд со површина од 900 метри квадратни во Хала 4, под масивен банер на којшто ќе биде напишано „Everything is more beautiful with Allure“ (сé е поубаво когфа се прави со привлечност), Peugeot ќе изложува 3 светски премиери:
Peugeot 408, којшто францускиот производител секогаш го најавува како „неочекуваниот“, ќе биде поставен спектакуларно, во проѕирна сфера, што ќе овозможи автомобилот да се погледне буквално од секој агол.
Peugeot 408
https://photos.app.goo.gl/Pt6nvz4qeTny3ZR16
Peugeot e-208, најпродаваниот електричен автомобил во Франција и модел со повеќе од 110.000 продадени примероци досега, добива апдејт, со нов електромотор, истиот како во Peugeot e-308, што во исто време обезбедува и 15% повисока моќност и за 10,5% подолг досег, поради подобрената ефикасност.
Peugeot e-208
https://photos.app.goo.gl/h46tp24eoN5jZDrS9
Peugeot e-Streetzone, електричен скутер, со којшто марката покажува дека си зема обврска да воведе електричен погон во сите видови на превоз. Со едно полнење се вози 112 километри, батеријата може да се понесе дома или на работа.
Peugeot e-Streetscooter
https://photos.app.goo.gl/fmSNFUn2KYVLgAjYA
Peugeot 408 ќе биде прикажан во проѕирна сфера
https://photos.app.goo.gl/TZJ7dHVo54tjfzNw9
На штандот ќе се најде и тркачкиот хиперавтомобил Peugeot 9X8, што од годинава веќе вози во светското првенство во издржливост WEC
https://photos.app.goo.gl/qZa2Svd3VVW9ADhZ9
Фановите на тркачки автомобили со електрифициран погон ќе можат да се одушевуваат на хиперавтомобилот PEUGEOT 9X8 Hybrid. Тоа ќе биде негово прво појавување на салон, заедно со панданот од сериско производство, спортскиот PEUGEOT 508 PSE, со свои хибридни 360 КС, два електромотори и технологија развиена од истите инженери.
На посебен штанд во Хала 3 ќе може да се погледне и технологијата на водороден погон со горивни ќелии. Оваа технологија се нуди во PEUGEOT E-EXPERT HYDROGEN, којшто воедно ќе биде достапен и за пробно возење за време на салонот.
Секако дека Peugeot на посетителите на салонот ќе им понуди можност да се запознаат со личностите што се повзуваат со успесите на марката и личности што ја застапуваат истата: Мис на Франција, моделката Диана Леир, возачите на PEUGEOT 9X8 Hybrid и рагбистите на Stade Toulousain.
