за

Peugeot дизајнерска облека под знакот на спортската марка PSE

Peugeot има привлечна понуда на облека и прибор за љубителите на перформансите, техниката и елеганцијата. Сите овие „парчиња“ го носат знакот на Peugeot Sport Engineered.

Дизајнерската лабораторија на Peugeot беше активна и во подрачјето на облеката и приборот за луѓе со посебен животен стил. Инспирацијата доаѓа од дизајнот и материјалите во новиот Peugeot 508 Sport Engineered.

Перформансите на знаменосецот во понудата од спортски модели на Peugeot им даде дополнителна инспирација на креаторите во Peugeot Design Lab. Лимузината со 1,6-литарски турбо-бензинец со 200 КС, но и со по еден електромотор напред и назад (112 и 110 КС), со своите дизајнерски обележја и со избраните материјали послужи како пример за облеката и приборот што француската марка ги вклучи во понудата под името на Peugeot Sport Engineered.

Капата, поло-маицата и јакната се одликуваат со спортски елегантен изглед, што е препознатлив по црното техно-платно. На тоа следат уште приврзок за клуч, држач за картички и црн паричник од мека телешка кожа од италијански добавувач, на коишто главното обележје им се канџите во боја на криптонит. Тоа е воедно новиот белег на Peugeot Sport. Секако дека понудата ја заокружува часовник со врвно изработено куќиште и шиен кожен ремен. Колекцијата е достапна преку онлајн-продавницата https://boutique.peugeot.com.

New photo by Automedia MK / Google Photos

Цените на облеката и приборот од колекцијата Peugeot Sport Engineered

  • Капа 39 евра
  • Поло-маица 79 евра
  • Ветровка 169 евра
  • Приврзок за клуч 35 евра
  • Држач за картички 69 евра
  • Паричник 89 евра
  • Часовник 249 евра (механизам Seiko, три години гаранција, до 50 m, челично куќиште)

Дизајнерската лабораторија неодамна понуди уште две нови колекции, „1810“ и Legend.

>>> Golf прв во март, Peugeot 208 прв од јануари до март

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Овој Audi нема бројка: E-tron GT со 598 електрични КС

Оваа машина поправа дупка на патот за 8 минути