за

Овој Audi нема бројка: E-tron GT со 598 електрични КС

Audi има гран-туризмо модел од посебен вид. Почнува продажбата на електричниот e-tron GT, со цена од 99.800 евра во Германија за стандардната изведба и 138.200 евра за изведбата со значка RS.

Двата најнови модели на Audi ја прикажуваат емотивната страна на електричниот погон. Купето со четири врати e-tron GT има мошне впечатлив изглед, електричниот погон користи врвна техника.

Секоја оска има по еден електромотор, заедничката моќност им изнесува 476 КС во Audi e-tron GT quattro, односно 598 КС во RS e-tron GT. Соодветно се импресивни и вредностите за вртежниот момент: 630 Nm, односно 830 Nm. Со батерија од 84 kWh се постигнува досег до 488 километри. Посебноста на автомобилот е во 800-волтната техника што овозможува мошне брзо полнење на батеријата.

RS e-tron GT е новиот електричен знаменосец на Audi. Спринтот до темпо сто трае 3,3 секунди, а крајната брзина е ограничена на 250 km/h. За подвозјето може да се избере трикоморна пневматска амортизација и електронски регулирана блокада на диференцијалот назад. Сопирачките дискови може да бидат обложени со волфрамов карбид, за уште поубедливи перформанси на истите. Целината ја заокружува вештачки произведен спортски звук на e-tron. Опција се и тркала со пречник до 21 инчи, управување на сите тркала, матрични диодни светла со ласерско светло или облоги на седиштата што во голем дел се состојат од рециклиран материјал.

Со почетокот на испораката на e-tron GT, Audi го започнува и следното поглавје од светската кампања „Future is an attitude“. Главен лик во кампањата е актерот и продуцент Том Харди, долги години амбасадор на марката. ТВ-спотот „Passion Creates Progress“ е изработен со иновативна технологија што во реално време ги рендерира виртуелните средини. Кампањата оди и онлајн.

Audi e-tron е најпродаван премиум електричен автомобил

Четирите прстени“ лани беа најголем производител на електрични возила меѓу трите германски премиум марки. Моделите Audi e-tron и e-tron Sportback лани ја зголемија продажбата за 79,5 во споредба со 2019 година. На клиентите им беа испорачани 47.324 примероци од двата модели.

Audi e-tron
Audi e-tron

Audi денес нуди модели со хибриден или електричен погон во повеќе од 80 проценти од својата моделска гама. До крајот на годинава Audi ќе има вкупно седум различни модели со чисто електричен погон. До 2025 година се планира понудата од електрични автомобили да се состои од повеќе од 20 модели. Паралелно се зголемува и бројот на модели со приклучен хибриден погон.

Audi e-tron GT како будилник за ерата во којашто живееме

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Chevrolet Corvette Stingray во октомври стартува во Европа

Peugeot дизајнерска облека под знакот на спортската марка PSE