за

Пежо 208 останува најпродаван автомобил во Франција

Првото место во април и до април му припаѓа на Пежо 208, помага и електричниот Е-208 чијашто продажба порасна за 60 проценти.

Французите „телеграмски“ јавуваат за исходот од продажбата на домашниот пазар во април. Главната вест е дека Пежо е најпродавана марка батериски електрични возила во Франција. Тоа важи и на ниво на месец и вкупно во првите 4 месеци.

Електричниот Пежо 208 го имаше најдобриот тест кога Вашата Аутомедиа пред три години отпатува со него до мариовска Градешница, до живописниот и исконски македонски крај, што се поврзува со многу нешта, па и со Итар Пејо и Калеш Анѓа. Повеќе од 60 километри далеку од секаков полнач.

Токму затоа и не изненадува тоа што Пежо Е-208, во меѓувреме со едно моделско освежување и со втора варијанта, со поголема батерија (преку 400 км) и 156 кВ моќност, ја зголемил продажбата на францускиот пазар за 60,1 проценти во споредба со јануари-март лани. Со тоа, 208 и натаму е лидер во продажбата на БЕВ на домашниот пазар.

Пежо ја зголемил вкупната продажба на патнички и доставни возила во Франција за 4,7 проценти во првите 4 месеци, во споредба со истиот период лани.

Пежо 208 го задржи местото на најпродаван автомобил во Франција, со пазарен удел од 5,5 проценти, што е за 0,6 процентен бод повеќе од лани.

Само на пазарот на доставни возила, Пежо до април продал за 13,1 проценти повеќе возила. На марката со лавот ѝ припаѓа близу една петина (17,1%) од пазарот, за 0,4 процентен бод повеќе од лани. Со тоа, Пежо е втора најпродавана марка доставни возила на францускиот пазар.

Галерија од возењето електричен Пежо 208 до мариовска Градешница

Пежо годинава води и на пазарот на службени возила . Пежо 308 е најпродаван автомобил што се регистрира на име на компанија во 2024 година.

„Пежо 208 и неговата електрична изведба Пежо Е-208, продолжуваат да освојуваат широк круг купувачи, што ги потврдува квалитетот и привлечноста на нашите модели. Нашиот нов Пежо 3008 осто така е подготвен за добар старт“, кажува Зинеб Гут, директор на Пежо Франција.

Јапонија и Кореја ѝ се нов таргет на првата дама на марката Пежо

Шефицата Линда Џексон во меѓувреме освојува нов пазар, Пежо деновиве има гласна промоција пред корејските купувачи. Марката претходно имаше активности и во Јапонија.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Дизајнерот на Форд си замина од компанијата

Шефот на Фиат има големи планови со електричниот „500“ во САД