за

Уметници цртаат Пежо по згради во Милано

Пежо за почетокот на продажбата на Е-2008 во Италија повика познати уметници да цртаат по зградите на Милано. Секако, Пежо е главниот мотив.

Развеселувачки насликан калкан во Навиљи, потпишан од уличниот уметник Ерикс Уан, дел е од кампањата за новиот Пежо Е-2008 во Италија.

Продажниот старт за новиот Пежо Е-2008, компактен, подвижен и темпераментен градски СУВ, за францускиот производител е повод за отпочнување на иницијативата за разубавување на градовите со ѕидни слики.

Како прв чекор од кампањата, уличниот уметник Ерикс Уан наслика ѕид на зграда во Милано. Проектот е осмислен од О.П.Ен. (Омником фор Пежо енџин) и Старком.

Пежо со својот Е-2008 цели кон возачките и возачите што по својот животен пат избираат стил и индивидуалност, во спој со уживање. Притоа секогаш се земаат предвид животната средина и иднината.

О.П.Ен на ваквиот имиџ на електричниот СУВ додава ритам и хармонија. На италијанскиот кубист Ерикс Уан му припадна задачата, преку своите апстрактни дела, тој на свеж и лесен начин да го доближи автомобилот до новите генерации.

Во сликата се распознаваат елементи од иконографијата на големиот град (како што се светла и згради), коишто се комбинирани со слика од град на иднината, Ветерницата и природните елементи ги застапуваат хармонијата и одржливоста, коишто потсеќаат на спојот на човекот со природата.

Стилизиран лав потсеќа на марката Пежо и на благородниот дух на луѓето што се решаваат за живот што се темели врз начелата на одржливоста.

 

View this post on Instagram

 

A post shared by Peugeot Italia (@peugeotitalia)

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Европа продолжува да вложува во електромобили и покрај забавената побарувачка

Германија дозволи возење со погон на масло од фритеза