за

Peugeot најпродавана марка, 208 најпродаван модел во Франција годинава

Peugeot и во септември е најпродавана марка патнички возила во Франција. Едно од секои пет продадени СУВ возила во земјата носи лав.

Во периодот од јануари до септември, Peugeot е најпродавана марка патнички возила на францускиот пазар. Како што посочува производителот за својот домашен пазар, овој успех се должи на високата побарувачка за моделите Peugeot 2008, 3008, и секако новиот 308.

Најважните сегменти на пазарот, а тоа се СУВ-сегментот во градската и компакт класата, како и класичните компакти, во Франција им припаѓаат на Peugeot 2008, 3008 и 308. Главниот мотор на марката и натаму е Peugeot 208, најпродаван модел на пазарот на патнички и товарни возила. За триумфот да биде заокружен целосно, електричниот Peugeot e-208 го носи насловот на најпродаван модел во сегментот на возила на струја.

Peugeot е воедно водечка марка и на пазарот на службени возила, односно во продажбата на возила за компании.

Во првите девет месеци од 2022 година:

PEUGEOT со својот 208 покрива 6,1% од пазарот и со тоа ја понесува титулата на најпродавано возило на францускиот пазар.

Пет модели на марката со лав во грбот се водечки во своите сегменти:

  • PEUGEOT 208 е водечки во Б-сегментот со вкупен пазарен удел од 6,1 %.
  • PEUGEOT 2008 води во Б-СУВ сегментот со вкупен пазарен удел од 3,5 %.
  • PEUGEOT 308 е водечки во Ц-сегментот со вкупен пазарен удел од 2,8 %.
  • PEUGEOT 3008 во Ц-СУВ сегментот покрива вкупен пазарен удел од 2,4 %.
  • PEUGEOT 5008 води во сегментот на С-СУВ возила со 7 седишта и покрива 1 % од целиот француски пазар.

Од целиот пазар, којшто во првите девет месеци е 11,7% во минус во споредба со лани, Peugeot држи 16,5 проценти. Само на пазарот на СУВ-возила, марката ужива удел од 17,6 проценти од пазарниот колач.

Во услови кога францускиот пазар на патнички автомобили и лесни товарни возила е 14% во пад, Peugeot покрива 16,7 проценти од пазарот.

Ексклузивен Peugeot 408 за првите 300 купувачи

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Модели на Toyota со примерна штедливост на тест кај прочуените IfA

Suzuki Vitara Strong Hybrid · Колку менува брзото возење кај хибриден погон?