за

Фабриките на Peugeot и Citroen полека се враќаат во полн капацитет

По редовниот летен одмор, фабриките на Peugeot и Citroen во Франција постепено ќе почнат да ја зголемуваат продукцијата како пред чип-кризата. Таа уште е присутна, меѓутоа организацијата работи будно.

Во фабриките на Stellantis во Франција повторно ќе се произведува во полн обем, за разлика од август лани, кога недостигот од чипови масовно ја доведе автомобилската индустрија во ситуација да воведува прекини во производството.

Од одделението за односи со јавност на концернот Stellantis, каде што спаѓаат француските марки Peugeot и Citroen, за агенцијата Ројтерс потврдија дека „француските фабрики продолжија со нормална работа по летните одмори.“ Исто и фабриките на Renault во Франција, од септември ќе се вратат во нормално производство.

Во соопштението се наведува и дека недостигот од чипови бара ситуацијата и натаму да се следи будно на дневна база. Извршниот директор на Stellantis, Карлос Таварес во јули изрази загриженост околу недостигот од полупроводници, којшто влијаеше врз глобалната автомобилска индустрија. Португалскиот топ-менаџер тогаш изјави дека не очекува продукцијата да се врати на ниво како пред пандемијата, до крајот на 2023 година.

Производители на чипови: Авто-концерните се виновни за кризата

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Кинески BYD продава во Данска, Германија, Шведска и Холандија

Lamborghini со рекордно прво полугодие