за

Peugeot 208 во Бразил вози на „сок“ од шеќерна трска

Бразилскиот пазар почнува да обожува Peugeot. Шампионскиот 208 отсега вози на горивото што е национална специјалност, етанол добиен од шеќерна трска. Моторот е Fiat.

Бразил е посебна земја по многу нешта, па и по алкохолот што масовно и со децении се користи како погонско гориво. Peugeot 208 во земјата се продава изненадувачки добро, а во иднина ќе се продава и одлично. Само за Бразил, Peugeot вградува мотор што користи етанол. Името Firefly непогрешливо укажува на мотор на Fiat, кој е „домашна“ марка, а воедно и марка во концернот Stellantis.

Peugeot 208 ќе продолжи да се пробива уште посилно на огромниот бразилски пазар, со воведувањето на моторот што го троши националниот горивен специјалитет – етанол, произведен од шеќерна трска. Сегментот Б, во којшто спаѓа „208“ е најголем сегмент во Бразил.

Новата моделска изведба се води како Peugeot 208 1.0, се нуди во две нивоа на опрема, со цена од 72.990 бразилски реали за основниот модел, односно околу 15.750 евра. Моторот што може да користи и бензин и етанол, познат и докажан е во земјата, од моделите на Fiat. Италијанската марка со децении доминира на големиот пазар во јужноамериканската земја и практично е домашна марка, со масивна локална продукција. Peugeot 208 во Бразил е позициониран повеќе како премиум модел.

New item by Automedia MK / Google Photos

Трицилиндарскиот мотор што користи два вида гориво располага со два вентили по цилиндар, со посебно приспособен вшмукувачки тракт и форма на коморите за согорување, со цел да се постигне повисок вртежен момент при пониски вртежи. Моќноста на 1.0 Firefly изнесува 75 КС, вртежниот момент достигнува 105 Nm при 3.250 вртежи. Бразилците наведуваат дека моторот е конструиран без проблем да извози најмалку 240.000 километри.

New item by Automedia MK / Google Photos

Нишката на премиум модел што Peugeot 208 ја носи во Бразил се препознава и во опременоста во основното ниво Like. Средишен дисплеј од 10,3 инчи е стандард, заедно со безжично поврзување со мобилен телефон, диодни дневни светла во фамозниот стил на „лавовски очници“, електрика на прозорците и ретровизорите, комплетна безбедносна опрема.

New item by Automedia MK / Google Photos

Патуваме со Peugeot низ Мариово: Филмска прашина, скриени богатства, ликови од романи

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Хибриден Mercedes E-Class поевтин и посилен од дизел E 300 d

Во потрага по одговор, каков автомобил е Toyota RAV4 Adventure