за

Спортските модели на Opel повторно ќе бидат GSe, но на струја

Opel ја двои подмарката GSe, којашто ќе биде посветена на спортски модели со богата опрема, и најважното, со погон на струја. Тоа е како полу најава за Astra GSE.

Ознака од три букви секогаш стои за нешто посебно на автомобилската сцена, тоа е речиси стандард за спортските и престижни модели. Кај Opel, трите букви што многу значат се GSe, од коишто подоцна произлезе и GSi, култна верзија на Kadett Е. Риселсхајм повторно ќе има GSe, со една суштинска промена.

На познавачите на Opel им е кристално јасно што значи GSe. Тоа се спортски и врвно опремени модели со молња во маската. Оваа ознака најдостоинствено ја носеа крстосувачите Opel Commodore GS/E и Opel Monza GSE. Кратенката стои за „Grand Sport Einspritzung“, за да се нагласи користењето систем за впрскување на горивото, што за ралзика од карбураторот обезбедуваше повисоки перформанси, подиректна реакција, порамномерно ослобоидување на моќноста пониска потрошувачка, почист издув. Голема разлика.

Новиот GSe е различен GSe. Ова име ќе го користат моделите што ќе припаѓаат во новата подмарка на Opel и ќе означува Grand Sport electric. Од германската марка објаснуваат дека „GSe соединува исклучителна возна динамика со иновативна електрификација. Моделите на Opel GSe во иднина ќе ги крунисуваат моделските серии на марката од Риселсхајм.

Особено ме радува тоа што денес можам да го најавам враќањето на познатата кратенка GSe – како спортска подмарка, што ќе ги означува нашите врвни модели. Исто како што е случај со нашиот храбар и чист дизајн, тука повторно посегнуваме по нашето богато наследство и му внесуваме современа нишка. GSe во иднина нема да стои само за посебно динамични возила со големо уживање во возењето. Таа сега повеќе стои за ‚Grand Sport electric‘ – целосно во знакот на нашата возвишена стратегија, да прераснеме во целосно електрична марка“, изјави шефот на Opel, Флориан Хутл.

Наградуваниот дизајн на Opel дава спортски изгледпокрај тоа, идните клиенти на GSe ќе можатг да се радуваат и на подвозјето, коешто е дотерано динамично и во исто време посредува големо уживање во возењето. Дека нешто убаво се случува со подвозјето на моделите на Opel се покажа и при нашиот тест на Astra, при што го издвоивме подвозјето како мошне погодено. Претходно, тоа беше случај со Corsa GS.

New item by Automedia MK / Google Photos

Иако се дотерани нагласено спортски, идните GSe модели секако дека ќе нудат и комфор за патување по автопат и долги крстосувања. Главното што ќе ги одликува моделите од новата подмарка е можноста во град или на куси релации да се користи само погон на струја. Тоа воедно укажува и на погонот на првите модели под оваа ознака – GSe ќе бидат изведени со приклучен хибриден погон.

Opel Manta GSe Concept

New item by Automedia MK / Google Photos

Веста за пуштањето на подмарката GSe навестува дека за мошне кусо време сцената ќе ја види новата Astra GSe, за којашто во Аутомедиа повеќепати шпекулираме дека ќе користи втор електромотор за задната оска и моќност од преку 250 КС. Моделот воедно го најави и менаџментот на Opel, меѓутоа не наведувајќи податоци за перформансите и моќноста. Голема е можноста веќе во следниот месец да се случи премиерата, на големиот салон на автомобили во Париз.

New item by Automedia MK / Google Photos
New item by Automedia MK / Google Photos

Тест · Opel Astra Ultimate 1.5 Diesel: Родена под среќна ѕвезда

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Водородниот камион Nikola е само лага за собирање пари

Основачот на Nikola ги лажел инвеститорите, заработил милијарда

Како Toyota го зголеми пазарниот удел во Европа во најголемата криза