за

Opel Grandland дотеран како за знаменосец на СУВ-понудата

По примерот на Mokka, сега и Grandland го добива новиот лик на Opel. Не сé сведува се само на изгледот.

OPEL GRANDLAND FL

Екстра стил и технологија за најголемиот СУВ-модел на Opel. Достапни се целосно дигитален кокпит, ноќно гледање и електромотор што обезбедува погон на сите тркала. Секако дека и во Grandland се нудат варијанти со хибриден погон, со техниката од братскиот Peugeot 3008.

Инголштат го најавува новото моделско годиште на Opel Grandland како спортски елегантен, лесен за ракување и опремен со свежа технологија. Комплетно ново доживување на возачкото место обезбедува дигиталниот кокпит Pure Panel. Произведен во Германија, Grandland добива технологија и системи за асистенција што обично се својствени за моделите од повисоките сегменти.

Меѓу посебните технолошки обележја се вбројуваат приспособливите светла IntelliLux LED Pixel Licht, со вкупно 168 светлечки диоди. Оваа технологија што е позната од знаменосецот Insignia, сега првпат се нуди во најголемиот СУВ во понудата на марката. Истото важи и за системот за ноќно гледање, Night Vision. Инфрацрвена камера во мрак препознава пешак или животно на патот на растојание до 100 метри и системот го предупредува возачот. Grandland прв ја воведува оваа технологија во Opel. Моделското освежување му донесе на големиот брат на Crossland и Mokka комбинација од систем за предупредување при опасност од судир и приспособлив темпомат.

Новото моделско годиште на Grandland е лесно препознатливо со новото лице на германската марка, со Opel Vizor

https://photos.app.goo.gl/foRGPjxUkp5n6n8p6

Покрај познатите бензински и дизел мотори од понудата на Opel, Grandland е достапен и во варијанти со приклучен хибриден погон. Едната варијанта вози класично со погон напред, додека втората варијанта има електромотор и на задната оска, нормално реализирајќи на тој начин погон на сите тркала. Производството ќе стартува кон крајот на есента во фабриката во Ајзенах, во германската покраина Тирингија.

https://photos.app.goo.gl/Nd6jf8MHqN3Sr2Y77

Уште во основната моделска изведба, Grandland поседува самостојно запирање при опасност од судир, систем за задржување во лента со активен зафат во управувањето, камера за знаци, препознавање замор, како и темпомат. Основниот модел поседува и дигитални инструменти од 7 инчи, заедно со дисплеј со истата големина во средишната конзола. Поврзување со телефон преку Apple CarPlay или Android Auto е стандард. Опција се дигитални инструменти од 12 инчи и средишен дисплеј од 10 инчи.

https://photos.app.goo.gl/iHb9N4cj2yJHTuxh9

Понудата од погонски единици ја сочинуваат 1.2 Turbo со 130 КС, во комбинација со мануелен или 8-степен автоматски менувач и 1.5 Diesel, исто така со 130 КС, кој се испорачува само со автоматик. Бензинецот со мануелен менувач спринтува до темпо сто за 10,1 секунди и постигнува 188 km/h, а просечната потрошувачка според WLTP-нормата се движи меѓу 5,9 и 7,1 литри.

https://photos.app.goo.gl/t4EGxmtS9tZH1EeW9

Основната изведба со приклучен хибриден погон, Grandland Hybrid, користи 1,6-литарец со 180 КС, во комбинација со електромотор од 110 КС, осумстепен автоматик и батерија од 13,2 kWh. Досегот на батерија се движи меѓу 53 и 64 километри (WLTP). Спринтот до темпо сто трае 8,9 секунди, крајната брзина е 225 km/h. При користење полнач од 22 kW (тоа е моќноста на полначите на ЕВН во Македонија), батеријата се полни целосно за два часа, додека на обичен приклучок се потрбни 7:30 часа. Втората варијанта, Grandland Hybrid4, располага со електромотор и на задната оска, со моќност од 113 КС. Бензинецот тука испорачува 200 КС. Системската моќност изнесува точно 300 КС. Импресивен е спринтот до темпо сто за 6,1 секунди.

Наскоро увозникот Еуроимпекс ќе ги објави македонските цени за Grandland. Ценовникот претходно стартуваше од 23.525 евра за Grandland X 1.2 Turbo со 130 КС и мануелен менувач, во ниво на опрема Enjoy. Дизелот од два литри си заминува од понудата.

https://photos.app.goo.gl/5VMY8W2QmecxYGcr9

https://photos.app.goo.gl/QmtuojbCLwQtg4ZM6

https://photos.app.goo.gl/vpPHBgxC5m1q77xz9

https://photos.app.goo.gl/9mZePkBgbLpRBQRc9

https://photos.app.goo.gl/ENpGgkfQB1ZmLDRx7

Тест · Opel Corsa 1.2 DI Turbo GS Line

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Тест · Kia Sorento 2.2 CRDi Premium

Клубот АДАК докажа колку лесно се лажира километражата