за

Opel Corsa-e Rally извозе многу „напната“ сезона

Купот во рели со електрични автомобили Opel Corsa-e ја извозе првата сезона и привлече многу внимание на сцената.

Во организација на германскиот автоклуб ADAC, со електрична Opel Corsa-e Rally се возеше првиот рели куп со електрични автомобили од една марка во светот, со учество на млади возачи од шест држави.

Покрај тоа што рели-купот со електричната Opel Corsa-e Rally е прв од ваков вид во светот, беше применет и сосем нов концепт на организација. Се возеа вкупно седум трки за бодови, од кои три во рамките на германското првенство во рели и три R70-трки на национално ниво, со стартот на трката за европското првенство во рели во Злин, Чешка, како врв на сезоната.

Директорот за мотоспорт на Opel, Јерг Шрот, коментира за сезоната: „Докажавме дека електричниот рели-спорт функционира. Зa да се совладаат разновидните предизвици на ваквите пионерски проекти, потребни се иновациски дух, храброст и силна соработка.“ Покрај клубот ADAC, за првенството со Opel Corsa-e Rally да се одржи успешно помогнаа TotalEnergies и eLoaded. Последниве се погрижија за поставување полначи на местата на одржување на трките.

New photo by Automedia MK / Google Photos

Сезоната мина во знакот на еден возач, 26-годишниот Француз Лорен Пелје, кој постигна ништо помалку од шест победи и со тоа уште пред завршетокот на сезоната стана прв победник на рели-куп со електрични возила од една марка. Второто место го освои 21-годишниот Германец Макс Рајтер, третопласирани се Тимо ван дер Марел (32, Холандија) и Лука Валдхер (27, Австрија).

Opel Corsa Rally4 се држеше одлично против конкуренцијата

Одлично се покажа и Opel Corsa Rally4, со класичен погон со 208 КС. На прочуеното рели Барум во Чешка, фабричкиот возач Маријан Грибел и совозачот Тобијас Браун водеа во својата класа, но кусо пред крајот им се случи дефект. „Тоа е вообичаено да се случи на едно рели“, охрабрува Грибел, „но, поважно е што се докажа дека Corsa Rally4 е мошне конкурентна во исклучително силната конкуренција.“

New photo by Automedia MK / Google Photos
New photo by Automedia MK / Google Photos

>>> Тест · Opel Corsa 1.2 DI Turbo GS Line

 

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Колку алкохол е премногу алкохол?

Lexus може да биде и гитара, и тоа Fender Stratocaster