Боите на Opel: Тоа што зелената е за Mokka, жолтата е за Astra

Најочигледната одлика на новите модели на Opel секако дека се боите. Astra и Mokka, како пример, секогаш се појавуваат во живописни и експресивни бои. Заштитна боја на новата Astra е Kult Yellow, како комбинација на традицијата на Opel со актуелните трендови. Тоа што Opel има да го каже дополнително е темата на одржливоста. Со примена на процес на бојадисување „3-wet“ се смалуваат штетните емисии во лакирницата.

Со новата Opel Astra и Opel Mokka, германскиот производител не само што дизајнираше два исклучително возбудливи нови автомобили, туку создаде и две извонредни нови бои. За такви моќни автомобили, како што се повеќекратно одликуваната Mokka и новата Astra, Opel се одлучи за живописни, впечатливи нови бои: Зелена за Mokka и жолта за Astra.

„Боите за автомобили не само што треба да го задоволат купувачот, туку мора да одговараат и на големината и обликот на автомобилот“, изјави Никол Хајдт, помошничка главна дизајнер каза боја и материјали. „На модел од компактна класа, како Astra, најдобро одговараат софистицирани мика или металик бои, коишто се исто така многу популарни меѓу клиентите во тој пазарен сегмент.“

Уште на почетокот на развојот на новата Astra, тимот за маркетинг на Opel го информираше тимот за дизајн дека сака шестата генерација на најпродаваната Astra да биде достапна во жолта боја, која има долгогодишна традиција како бојата на брендот

Како и обично со целосно нова боја, Никол Хајдт го започнала процесот на креирање со истражување на трендовите на боите, користејќи професионални алатки. Додавајќи го и сопственото искуство, таа почнала да размислува за создавање нов потемен жолт тон за новата Astra. Nicole потоа ги испробала своите идеи во сопствената лимарија каде таа лично го дизајнирала „рецептот“ за новата боја.

Користејќи чаша од 200 милилитри и неколку грама различни бои за лакирање на автомобили од водечки снабдувач, таа ги измешала состојките додека резултатот не се совпадне со нејзината идеја.

Следно, дизајнерката подготвила „табла за расположение“ – колаж од слики – и примероци од бојата за да ја претстави новата боја на тимот за дизајн менаџмент и маркетинг. По нивното одобрување, Никол потоа направила примероци на бојата за добавувачот во фабриката во Риселсхајм, чиј финален производ мора што е можно поблиску да одговара на дизајнерската идеја и примероците од бојата за сериско производство.

Детален процес: Развојот на нови бои може да потрае и до четири години

Процесот на развој на нова боја за нов модел, може да потрае и до четири години, а финализираната нова боја мора да биде „подготвена за прскање“ од роботи, 12 месеци пред почетокот на производството. „Жолтата што ја избравме како боја за лансирање на новата Astra на почетокот на процесот се покажа како добар погодок“, вели Никол Хајдт. „Таквите бои се навистина во тренд сега“.

Во случајот на Mokka, помало спортско корисно возило (SUV) со помлад профил на клиенти од новата Astra, Opel бараше смела, спортска нова боја. Истражувањето на Никол Хајдт покажа дека зелените тонови се многу во тренд. „Зелената е исто така совршена боја за електрично возило со батерии, како што е Mokka-e“, додава таа.

Процес на боење „3 wet“: годишнта емисија на CO2 се намалуваат за околу 2.200 тони

Електричните возила како Opel Mokka-e или новата Astra plug-in хибрид се само два начина на кои германскиот производител на автомобили придонесува за одржлива мобилност. И бојадисувањето има своја улога.

На пример, новата боја “Kult Yellow” кај Astra се применува во производствената фабрика во Rüsselsheim каде што емисиите од лимаријата се значително намалени.
Објектот во моментов користи метод на бојадисување „3-wet“ со кој се отстранува еден целосен чекор на сушење од процесот.

Во споредба со конвенционалните процеси на бојадисување, ова ја намалува годишната емисија на CO2 за околу 2.200 тони, додека сè уште обезбедува високo ниво на заштита од корозија и оштетување од мали каменчиња.

Дополнително, годишната потрошувачка на вода е намалена за околу 1.800 кубни метри.

Со Opel Grandland до Луке: Патување најдалеку на север