Норвешка, како светски лидер во електричната револуција, во јуни регистрираше удел од 85% на приклучните хибриди и електрични автомобили во вкупната продажба. Одлични вести доаѓаат и за пазарната динамика. Богатата скандинавска држава имаше рекорден јуни, со 20.392 продадени возила.
Апсолутна доминација на електричните автомобили во Норвешка. Од вкупниот удел на автомобили со приклучок за полнење на батеријата од 85 проценти, дури 64,8% биле чисто батериско елекетирчни автомобили, додека останатите 20,3 проценти се приклучни хибриди. Трендот јасно преоѓа во корист на Tesla & Co.
Електричните автомобили вкупно годинава учествувале во продажбата со 83 проценти, додека во истиот период лани, нивниот удел изнесувал помалку од 70 проценти. Самополнечките хибриди (Toyota) уште се држат добро на пазарот, со удел од близу 7 проценти. Продажбата на автомобили што користат само мотор со внатрешно согорување, годинава е намалена за две третини, од близу 25 проценти лани, на осум проценти годинава. Мала е веројатноста дека нивниот удел некогаш ќе се зголеми повторно.
Најпродавани електрични модели во јуни се Tesla Model 3, Ford Mustang Mach-E, Skoda Enyaq и Volkswagen ID.4. Одлично напредува и Audi Q4 e-tron, особено покрај фактот што тој дури нуди и повеќе простор од постариот и многу поскап Audi e-tron. Вкупно годинава, најпродавани се Tesla Model 3 и VW ID.4, пред Audi e-tron и Volvo XC40.
Електрично Peugeot e-208 го прошета цело Мариово
Volkswagen ID.3 ја тестира електромобилноста во Македонија
Mini ја вози првата електрична тура низ Македонија (Дел 1)
