за

Northvolt ја произведе првата европска батерија за електрични автомобили

Браншата досега не беше гласна околу фактот што сите електрични автомобили во подемот на новиот погон низ Европа носеа „туѓи“ батерии.

Ново поглавје во европската автомобилска и воопшто во целата европска индустрија. Northvolt во Шведска ја произведе првата батериска ќелија што е целосно конструирана, развиена и произведена во Европа.

Во Скелефте, Шведска, синоќа беше произведена првата батериска ќелија за електрични автомобили, во фабриката на Northvolt. Континентот ја има првата ќелија што е целосно европски производ од европска компанија.

Швеѓаните работеа на ова историско достигнување од најавата за изградба на фабрика во 2017 година. Ќелијата со структура во форма на призма ја напушти производствената лента на 28-ми декември 2021. Фабриката ќе продолжи да се доопремува и проширува во текот на целата 2022 година. Првите испораки за клиент ќе стартуваат в година.

Петер Карлсон, извршен директор и соосновач на Northvolt: „Секако дека во следните години планираме значително проширување на производствениот капацитет на Northvolt Ett, што ќе овозможи Европа да премине на чиста енергија.“

Батериската ќелија е развиена во Northvolt Labs, лабораторија за подготовка за индустриско производство на Northvolt во Вастерас, Шведска. Во следните години, капацитетот на Northvolt Ett ќе се зголеми на 60 GWh годишно. Договори за испорака во вредност од 30 милијарди долари се потпишани со BMW, Fluence, Scania, Volkswagen, Volvo Cars и Polestar.

Во Скелефте моментно работат повеќе од 500 лица, од 56 нации.

>>> Швеѓани градат фабрики за батерии вредни три милијарди долари

 

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

2 коментари

Одговори
    • Тоа е одлична вест, поздрав до сите Македонци таму и имајте среќна и радосна 2022 година, и секако многу здравје! Сега ќе нé радуваат уште повеќе вестите што доаѓаат од Northvolt 😀

Напишете коментар

Вашата адреса за е-пошта нема да биде објавена. Задолжителните полиња се означени со *

Клубот ADAC со пример како се остава лента за Брза помош

Два важни новитети на Honda доаѓаат во 2022 година