Кои модели на Ferrari & Co се продаваат најдобро?

Корона-кризата силно ја погоди автомобилската бранша и тоа досега е елаборирано многупати. Еден пазарен сегмент сепак остана имун и на овој „нов“ предизвик. Продажбата на луксузните и суперспортските автомобили во Европа, лани речиси и не претрпе влијание од кризата.

Моделите што обично се најдолу на списоците на најпродавани автомобили се воедно најинтересните модели на сцената. Тоа се суперспортските модели од егзотичните марки Ferrari, Lamborghini и слични, или суперлуксузните модели на британските мануфактури, Bentley, Rolls-Royce и други.

Вкупната продажба на овие автомобили лани достигнала околу 6.500 примероци, што е за 13% помалку од преклани. Големиот победник во ’20 е Ferrari. Од петте најпродавани модели во овој сегмент лани, три го носат знакот на марката од Маранело. Ferrari 488 изгубил 10% од продажното темпо во споредба со 2019 година и се наоѓа на второто место со 1.207 примероци. „Вината“ за падот на овој модел е во неговиот наследник Ferrari F8, на четврто место и со раст од 1722 проценти.

Ferrari 812 Superfast ја зголемил продажбата за 20 проценти и се наоѓа на третото место. Ланскиот шампион, Bentley Continental GT, изгубил речиси една третина од продажбата, но го задржа водството на табелата.

Aston Martin DB11 падна на петтото место, со продажба намалена за 36%, по него е Lamborghini Huracan, со -16% во продажбата. Aston Martin DBS Superleggera исто така изгубил дел од пазарот, со -34%. Ferrari GTC4Lusso дури и со пад од 54% уште е пред Rolls Royce Dawn и Wraith. Финото друштво го заокружува Ferrari SF90 Stradale со испораката на првите 8 примероци во последниот квартал лани.

Најпродавани суперспортски и суперлуксузни автообили лани

во Европа, во ‘20 година

View this post on Instagram

A post shared by Ferrari (@ferrari)

>>> Suzuki втора најпродавана марка по Toyota во Јапонија лани